Language Switcher

V2025

බදුල්ලේ කෝවිඩ් රෝගීන් සංඛ්‍යාවෙන් 42% ක් ජාතික දත්තවලින් හංගලා !

බදුල්ල දිස්ත්‍රික්කයේ කෝඩිව් රෝගීන් සංඛ්‍යාවේ රෝගීන් 6060 ක් වසංගත රෝග විද්‍යා අංශයත් සෞඛ්‍ය අමාත්‍යාංශයත් විසින් අතුරුදන් කර ඇතැයි හිටපු ආණ්ඩුකාර රජිත් කීර්ති තෙන්නකෝන් පවසයි.

ඊට අදාළ නිවේදනයක් සහ දත්ත සටහන් දෙකක් ඔහු විසින් යොමුකර ඇති අතර එහි වැඩිදුරටත් මෙසේද සඳහන් වෙයි.

බදුල්ල දිස්ත්‍රික්කයේ කෝවිඩ් රෝගීන් 14,373 ක් මේ වන විට මාර්තා වී ඇත. වසංගත රෝග විද්‍යා අංශයට අනුව රෝගීන් සංඛ්‍යාව 8313 කි. පළාත් සෞඛ්‍ය සේවා අධ්‍යක්ෂවරයා/දිස්ත්‍රික් ලේකම් කාර්යාලයේ වාර්තා සහ වසංග රෝග විද්‍යා අංශයේ දත්ත අතර පරතරය රෝගීන් 6060 කි. බදුල්ලේ රෝගීන් සංඛ්‍යාවන් 6060 ක් හෙවත් 42% ක් ජාතික දත්තවලින් අතුරුදන් කර ඇත.

ඌව පලාතේ, බදුල්ල දිස්ත්‍රික්කයේ පමණක් නොව ලංකාවේ සෑම පලාතකම, සෑම දිස්ත්‍රික්කයකට කෝවිඩ් රෝගීන් ගේ සංඛ්‍යාව මෙලෙස අතුරුදන් කිරීමේ ප්‍රතිඑලය අතිශයින් විනාශකාරී වී ඇත.

රටට පමණක් නොව ලෝකයටම බොරුකාරයින් වී ඇති ශ්‍රී ලංකාව රෝගීන් සංඛ්‍යාව හා මරණ සංඛ්‍යාව සැඟවීමෙන් ලබන ජයග්‍රහණයක් නැත. අගෝස්තු 17 දින බදුල්ලෙන් රෝගීන් 398 ක් වාර්තා විය. වසංගත රෝග ඒකක දත්ත අනුව එය 10 කි. බදුල්ලේ සැබෑ රෝගීන් සංඛ්‍යාවෙන් ජාතික වාර්තාවලට අගෝ. 17 දින ඇතුලත් කර ඇත්තේ 1/40 (හතලිහෙන් පංගුවක්) පමණී. මොණරාගල රෝගීන් සංඛ්‍යාවෙන් ජාතික දත්තවලට ඇතුළත් කර ඇත්තේ 1/9 (නමයෙන් පංගුවකි) කි.

මෙවන් දත්ත විකෘති කිරීම තුලින් බදුල්ල දිස්ත්‍රික්කයට ලැබිය යුතු ප්‍රමාණවත් වෛද්‍ය පහසුකමක් මේ වන විට ලැබෙන්නේ නැත. බදුල්ල, බණ්ඩාරවෙල, දියතලාව, බිඳුණුවැව, කහගොල්ල, හිඳගල ආදී සෑම මධ්‍යස්ථානයකම දැඩි තදබදයක් පවතී. ඉමහත් කැපවීමෙන් කටයුතු කරන වෛද්‍යවරුන්, සහකාර සේවා, හෙදියන්, කාර්මික ශිල්පීන්, සහාය සේවා නිලධාරීන් දැඩි පීඩාවට හා අසහනයකට පත්ව ඇත.

රෝගී සංඛ්‍යාව පිළිබඳ දත්ත විකෘති කිරීම තුලින් කෝවිඩ් වසංගතය තවදුරටත් අර්බුදයකට ලක්වීම නොවැලැක්විය හැකිය. බදුල්ල දිස්ත්‍රික්කයේ සැබෑ රෝගීන් සංඛ්‍යා මත පදනම්ව රෝහල් වෙත ඖෂධ, ඔක්සිජන්, කාර්ය මණ්ඩල සඳහා අතශ්‍යවශ්‍ය උපකරණ යොමු කිරීම සෞඛ්‍ය බලධාරීන් කටයුතු කළ යුතුය.

බදුල්ල දිස්ත්‍රික් ලේකම් කාර්යාලය නිකුත් කළ දත්ත සහ වසංගත රෝග අංශය විසින් නිකුත් කළ දත්ත පිටපත් පහත දක්වා ඇත.

අගෝ 18 දත්ත

අගෝ 19