කොරෝනා වෛරසයේ ඩෙල්ටා ප්‍රභේදයට එරෙහිව අඩු ප්‍රතිඵල දායකත්වයක් පෙන්නුම් කරන චීනයේ සයිනොවැක් එන්නත් මාත්රා මිලියන 13ක් එක් මාත්‍රාවක් ඩොලර් 15 ක මිල ගණන් යටතේ මිලදී ගැනීමට රජය තීරණය කර ඇති බව ඩේලි මිරර් පුවත්පත උපුටා දක්වමින් ආණ්ඩු හිතවාදී සී නිව්ස් වෙබ් අඩවිය වාර්තා කරයි.
අදාළ පුවත් වාර්තාව වැඩිදුරටත් මෙසේද පවසයි.
වෙනත් එන්නත් සඳහා ගෙවන මිල හා සසඳන විට මෙම මිල ගණන් ඉහළ අගයක් බව සෞඛ්‍ය විශේෂඥයන් විසින් රජයට පෙන්වා දී ඇතැයිද වාර්තාවේ දැක්වෙයි.
එම එන්නත් මාත්රා විශාල ගණනක් මෙසේ මිලට ගැනීමට රජය ගෙන ඇති තීරණයට සෞඛ්‍ය විශේෂඥයන් දැඩි විරෝධය රජය වෙත එල්ල කරමින් ඇතැයි ද එම වාර්තාව තව දුරටත් කියා සිටී.
මේ සම්බන්දයෙන් කල විමසීමකදී ඖෂධ නියාමන හා සැපයුම් රාජ්‍යය අමාත්‍යංශයේ ප‍්‍රකාශකයෙකු සදහන් කලේ සිනොවැක් එන්නත මිලට ගැනීම සදහා මෙතෙක් රජය කිසිදු තීරණයක් ගෙන නැති බවයි.=
