ලංකාවේ කොවිඩ් ආසාදිතයින් 199 දක්වා ඉහළට !

මෙරට කොවිඩ් 19 වෛරසය ආසාදනයවූවන් සංඛ්‍යාව අද (12) මේ වන විට 199ක් දක්වා ඉහළ ගොස් තිබේ.

එසේම සෞඛ්‍ය අමාත්‍යාංශ නිල වාර්තා අනූව මේ වන විට වෛරසය ආසාදනය වී සුවපත් වූ ප්‍රමාණය 54කි. මෙරටින් වාර්තා වී ඇති මරණ සංඛ්‍යාව 7කි.

මේ අතර කොවිඩ් 19 වසංගතය හේතුවෙන් වැඩිම මරණ ගණනක් වාර්තා වන රට බවට ඇමෙරිකා එක්සත් ජනපදය පත්ව ඇත.

කොවිඩ්-19 හෙවත් නව කොරෝනා වයිරසය හේතුවෙන් මීට පෙර වැඩිම මරණ ගණනක් වාර්තා වූයේ ඉතාලියෙනි.

මේ අනුව ගෝලීය වසංගතයක් බවට පත්ව තිබෙන නව කොරෝනා වයිරසය හේතුවෙන් වැඩිම මරණ හා ආසාදිතයන් ගණනක් වාර්තා වන්නේ ඇමෙරිකා එක්සත් ජනපදයෙනි.

රොයිටර්ස් පුවත් සේවය නිකුත් කළ දත්තවලට අනුව සෙනසුරාදා රාත්‍රිය වනවිට ඇමෙරිකා එක්සත් ජනපදයෙන් වාර්තා වන සමස්ත කොරෝනා මරණ ගණන 19,600 ඉක්මවා ගොස් ඇත .

පුවත්