Language Switcher

V2025

ඇමෙරිකාවේ මුව ආවරණ නීති දැඩි වෙයි

පූර්ණ එන්නත්කරණයට ලක්වූ අමෙරිකානුවන්  වුවද, අමෙරිකාවේ කොවිඩ් අවදානම ඉහළ යෑම හේතුවෙන් ආරක්ෂිත මුව ආවරණ පැලඳීම අනිවාර්ය කර තිබේ.

ලොව වැඩිම දෛනික ආසාදිතයන් පිරිසක් වාර්තාවන රට බවට නැවතත් පත්වී ඇති අමෙරිකාවෙන් ඊයේ (27) නව ආසාදිතයන් 60,000කට ආසන්න පිරිසක් හඳුනා ගෙන තිබේ.

ඩෙල්ටා කොවිඩ් ප්‍රභේදයේ ව්‍යාප්තිය හේතුවෙන් මේ වන විට එරට ආසාදිතයින් යළි ඉහළ යමින් තිබේ.

පවතින වාතාවරණය තුළ ආරක්ෂිත මුඛ ආවරණ පිළිබඳ නීතිය සංශෝධනය කිරීමට වසංගත රෝග ව්‍යාප්තිය පාලනය හා වැළැක්වීම සඳහා වන ආයතනය පියවර ගෙන තිබේ.

ඒ අනුව අවදානම වැඩිම ප්‍රාන්තවල වෙසෙන පුද්ගලයන්, කොවිඩ් මර්දන එන්නත සම්පූර්ණයෙන් ලබාගෙන සිටියද මුඛ ආවරණ පැලඳිය යුතුය.

එවැනි තත්වයක් තුළ මුව ආවරණ පැළඳීම හා ශීඝ්‍ර එන්නත්කරණය තුළින් සංචරණ සීමා හා ලොක්ඩවුන් තත්ත්වයන්ට නැවත යොමු නොවීමට කටයුතු කළ යුතු බව අමෙරිකානු ජනාධිපති ජෝ බයිඩ්න් සදහන් කර ඇත.=

ඔහු පැවසා ඇත්තේ යළිත් පෙර තත්ත්වය රට පත් නොකළ යුතු බවයි.

ඒ අනුව එරට සමස්ත ආසාදිතයින් 35,353,923 දක්වා ඉහළ ගොස් තිබේ.

අමෙරිකාවෙන් වාර්තා වන කොවිඩ් මරණ සංඛ්‍යාව 6 27,338 කි.

Leave your comments

Post comment as a guest

0
Your comments are subjected to administrator's moderation.
terms and condition.
  • No comments found