ආසියානු කණිෂ්ඨ මලල ක්‍රීඩා තරගාවලියේ දී තරුෂි අභිෂේකා ලක් මව රනින් සරසයි

හොංකො හි පැවැත්වෙන 22 වැනි ආසියානු කණිෂ්ඨ මලල ක්‍රීඩා තරගාවලියේ මීටර් 1,500 බාලිකා ධාවන තරගයේ රන් පදක්කම දිනා ගැනීමට තරුෂි අභිෂේකා සමත් විය.

එම ඉසව්වේ දී ඇය විසින් වාර්තා කර ඇති කාලය මිනිත්තු 04යි තත්පර 31යි දශම 4යි එකකි.

එම ඉසව්වේ රිදී පදක්කම ඉරාන ක්‍රීඩිකාව විසින් හිමිකරගෙන ඇති අතර ලෝකඩ පදක්කම හිමිකරගෙන ඇත්තේ කොරියානු ක්‍රීඩිකාවකි.

මේ අතර ආසියානු 20න් පහළ මලල ක්‍රීඩා තරගාවලියේ පිරිමි මීටර් 3000 ඉසව්වට එක්වූ ශ්‍රී ලංකා ක්‍රීඩක විදූෂාන් රාජේන්ද්‍රන්ට එම ඉසව්වේ 6 වන ස්ථානය හිමිව තිබේ.