පුවත්

රාජපක්ෂ පාලන සමයේ ආර්ථික සංවර්ධන අමාත්‍යවරයා ලෙස සිටි බැසිල් රාජපක්ෂ විසින්, දිවිනැගුම මූල්‍ය අවභාවිතා නඩුව, විනිසුරු ගිහාන් කුළතුංග ඉදිරියේ විභාගයට විරෝධය පළ කරමින් අභියාචනාධිකරණයේ ගොනු කර තිබූ පෙත්සම නිෂ්ප්‍රභ කිරීමට අභියාචනාධිකරණය අද (27) කටයුතු කළේය.

ඉකුත් ජනාධිපතිවරණය සමයේ දිවිනැගුම අරමුදලට අයත් රුපියල් දෙකෝටි අනූ හතර ලක්ෂයක මුදලක් වැය කර හිටපු ජනාධිපති මහින්ද රාජපක්ෂ මහතාගේ රුව සහිත ලිත් ලක්ෂ පනහක් මුද්‍රණය කර බෙදා හැරීම තුළින් රජයේ මුදල් සාවද්‍ය ලෙස පරිහරණය කළ බවට චෝදනා කරමින් පොදු දේපොළ පනත යටතේ හිටපු ආර්ථික සංවර්ධන ඇමති බැසිල් රාජපක්ෂ සහ දිවිනැගුම සංවර්ධන දෙපාර්තමේන්තුවේ හිටපු අධ්‍යක්ෂ ජනරාල් කිත්සිරි රණවක යන මහත්වරුන්ට එරෙහිව නීතිපතිවරයා මෙම නඩුව පවරා තිබේ.