පාස්කු ඉරු දින ප්රහාර මාලාව සම්බන්ධයෙන් සිදුකරන විමර්ශනයට අදාළව හිටපු ජනාධිපති ගෝඨාභය රාජපක්ෂට පනවා තිබු විදෙස් ගමන් තහනම ඉවත් කරන ලෙස කරන ලද ඉල්ලීමට අදාළ නියෝගය ප්රකාශයට පත් කිරීම ලබන 25 තෙක් කල් තබන බව කොටුව මහේස්ත්රාත් පසන් අමරසේන අද (4) දැනුම් දුන්නේය.
හිටපු ජනාධිපති ගෝඨාභය රාජපක්ෂට සිදු කර ඇති හෘද සැත්කමකට අදාළව වෛද්ය පරීක්ෂණ සදහා සිංගප්පූරුවේ ප්රතිකාර ලබාගැනීමට තාවකාලිකව විදේශ ගමන්ම ඉවත් කරන ලෙස මෝසමක් ගොනු කරමින් ඔහුගේ නීතිඥයන් සිදුකළ ඉල්ලීමට අදාළව අපරාධ පරීක්ෂණ දෙපාර්තමේන්තුව අධිකරණය හමුවේ සිදු කළ කරුණු දැක්වීමෙන් අනතුරුව මහේස්ත්රාත්වරයා මෙම නියෝගය සිදු කළේය.
විදේශ ගමන් තහනම් තාවකාලිකව ඉවත් කරන ලෙස නීතිඥවරුන් මාර්ගයෙන් ඉල්ලීම සිදු කළ හිටපු ජනාධිපති ගෝඨාභය රාජපක්ෂ විවෘත අධිකරණය හමුවේ පෙනී සිටියේය.
සිද්ධිය සම්බන්ධයෙන් අධිකරණයට කරුණු දක්වමින් අපරාධ පරීක්ෂණ දෙපාර්තමේන්තුව දන්වා සිටියේ,විදේශ ගමන් තහනම් ඉවත් කිරීම සඳහා අධිකරණය සෑහීමට පත්විය හැකි කරුණු ඉදිරිපත් වන්නේ නම් විදේශ ගමන් තහනම තාවකාලිකව ඉවත් කිරීමට විරුද්ධ නොවන බවයි.
එහිදී හිටපු ජනාධිපතිවරයා සැකකරුවෙකු ලෙස නම් කර නොමැති බැවින් ඇප මත හෝ බැදුම්කරයක් මත මුදා හැරිිමට අධිකරණයට බලයක් නොමැති බව මහේස්ත්රාත්වරයා අපරාධ පරීක්ෂණ දෙපාර්තමේන්තුවට දන්වා සිටියේය. එමෙන්ම විදේශ ගමන් තහනම් ලිහිල් කිරීමට එකඟද? නැද්ද? යන්න සම්බන්ධයෙන් කරුණු දක්වන ලෙස මහේස්ත්රාත්වරයා අපරාධ පරීක්ෂණ දෙපාර්තමේන්තුවට දන්වා සිටියේය.
හිටපු ජනාධිපති ගෝඨාභය රාජපක්ෂ විදේශ ගතවීමෙන් පාස්කු ඉරු දින ප්රහාර මාලාව සම්බන්ධයෙන් සිදුකරන විමර්ශනයට අගතිදායක තත්වයක් ඇති විය හැකි බව සිද්ධියට අදාලව කරුණු දක්වමින් අපරාධ පරීක්ෂණ දෙපාර්තමේන්තුව අධිකරණයට දන්වා සිටියේය.
විදෙස් ගමන් තහනම ඉවත් කිරීම සම්බන්ධයෙන් විරෝධතාවය දක්වන බවද, අපරාධ පරීක්ෂණ දෙපාර්තමේන්තුව අධිකරණයට කරුණු ඉදිරිපත් කරමින් වැඩිදුරටත් දන්වා සිටියේය.
මේ අතර, පාස්කු ඉරු දින ත්රස්ත ප්රහාර මාලාව සම්බන්ධයෙන් ත්රස්තවාදය වැළැක්වීමේ පනත යටතේ රක්ෂිත බන්ධනාගාර ගත කර සිටින පොලිස් නිලධාරීන් වන ජෙගිල් පාස් සහ සරත් සමන්ත ලබන18 තෙක් රක්ෂිත බන්ධනාගාර ගත කරන ලෙස නියෝග කළේය.
ඔවුන් සූම් තාක්ෂණය ඔස්සේ නිරීක්ෂණය කළ මහේස්ත්රාත්වරයා මෙම නියෝගය සිදු කළේය.
මේ වනවිට අපරාධ පරීක්ෂණ දෙපාර්තමේන්තුව බාරයේ රඳවා ප්රශ්න කරන හිටපු බුද්ධි ප්රධානී සුරේෂ් සලේ විවෘත අධිකරණයට ඉදිරිපත් කළේ නැති අතර, අභියාචනාධිකරණය ඉදිරිපත් කර ඇති බව අධිකරණයට අපරාධ පරීක්ෂණ දෙපාර්තමේන්තුව දන්වා සිටියේය.
අහුන්ගල්ල පිහිටි හෝටලයක හිටපු බුද්ධි ප්රධානි සහ අසාද් මවුලානා යන අයවලුන් නවාතැන් සඳහා කාමර පහසුකම් වෙන්කරවා ගැනීමේදී මුදල් ගෙවීමේ කටයුතුවලට අදාල තොරතුරු ලබා ගැනීමට අදාළව එම හෝටලයට නියෝගයක් නිකුත් කරන ලෙස අපරාධ පරීක්ෂණ ය දෙපාර්තමේන්තුව විසින් වැඩිදුර වාර්තාවක් ඉදිරිපත් කරමින් අධිකරණයෙන් ඉල්ලා සිටියේය.
එම ඉල්ලීම සලකා බැලූ මහේස්ත්රාත්වරයා අදාළ විස්තර අපරාධ පරීක්ෂණ දෙපාර්තමේන්තුව වෙත ලබා දෙන ලෙස එම හෝටලයේ කළමණාකාරිත්වය වෙත නියෝගයක් නිකුත් කළේය.
හිටපු බුද්ධි ප්රධානි සුරේෂ් සලේ යන අය මහාධිකරණයට ඉදිරිපත් කර ඇති බව අපරාධ පරීක්ෂණ දෙපාර්තමේන්තුව අධිකරණයට දන්වා සිටි අතර, අනෙකුත් සැකකරුවන් දෙදෙනා සූම් තාක්ෂණය ඔස්සේ නිරීක්ෂණය සදහා අධිකරණයට ඉදිරිපත් කර තිබුණි.
පැමිණිල්ල වෙනුවෙන් කරුණු දක්වමින් අපරාධ පරීක්ෂණ දෙපාර්තමේන්තුව වැඩිදුරු වාර්තාවක් ඉදිරිපත් කරමින් මෙසේ කරුණු දැක්වීය.
"ස්වාමීනි පාස්කු ඉරු දින සිදුවූ ස්වයං ඝාතක ප්රහාර මාලාවට අදාළව පූර්ව සහ පසු සිදුවීම් සහ මෙතෙක් එළි නොවූ කරුණු හා ඊට සම්බන්ධිත කරුණු සම්බන්ධයෙන් මෙන්ම ප්රහාරයට වගකිවයුත්තන්, පුද්ගලයන්, කණ්ඩායම් පාර්ශ්වයන් අනාවරණය කරලීම සම්බන්ධයෙන් විමර්ශන ආරම්භ කළා.
සමාජය හා ආගමික කේන්ද්රයේ අධ්යක්ෂ ජූඩ් රොහාන් සිල්වා පියතුමා සිදු කළ පැමිණිල්ලකට අනුව විමර්ශන ආරම්භ කළා. මේ වන විට දිවයින පුරා විවිධ අධිකරණවල පාස්කු ඉරු දින සිදුවූ ප්රහාරයට අදාලව නඩුකරයන් විභාගය විභාග වෙමින් පවතිනවා. මෙම විමර්ශනයට අදාළව නීතිපතිවරයාගේ උපදෙස් ගත්තා. ජුඩ්රහන් පියතුමා 2024.11.12 දින සිදු කරන ලද පැමිණිල්ලට අදාළව විමර්ශන කිරීමේ නෛතික බාධාවක් නොමැති බව නීතිපතිවරයා උපදෙස් ලබා දී තිබූ අතර, ඊට අදාළ පූර්ව විමර්ශන කඩිනමින් පවත්වන ලෙස ප්රතිවරයා උපදෙස් දුන්නා. ඒ අනුව මෙම නඩුකරය මෙම අධිකරණය විභාග වෙමින් පවතිනවා. මෙම සිද්ධියට අදාළව පොලිස් කොස්තාපල් යාසිම් බාවා ජෙගිල් පාස් සහ මඩකලපුව කොට්ඨාශය පොලිස් බුද්ධි ඒකකයේ ස්ථානාධිපති සරත් සමන්ත යන දෙදෙනා ම මේ වන විට අත්අඩංගුවට ගෙන රක්ෂිත බන්ධනාගාර ගත කර තිබෙනවා. ඔවුන් දෙදෙනා ත්රස්තවාදය වැළැක්වීමේ පනත යටතේ අත්අඩංගුවට ගනු ලැබුවා. දීර්ඝ ප්රශ්න කිරීම්වලින් අනතුරුව දැනට ම රක්ෂිත බන්ධනාගාර ගත කර තිබෙනවා. යුද හමුදා හිටපු බුද්ධි ප්රධානී රාජ්ය බුද්ධි අංශය හිටපු අධ්යක්ෂක තුවාන් සුරේෂ් සලේ 2026.02.28 දින ත්රස්තවාදය වැළැක්වීමේ පනත යටතේ අත්අඩංගුවට ගත්තා. ඔහු රඳවා දීර්ඝ ලෙස විමර්ශනය කරා. එම අවස්ථාවේ අනාවරණය වූ කරුණු වලට අදාළව ඒවන විට හිටපු පොලිස්පති සීඩී වික්රමරත්න, නියෝජ්ය පොලිස්පතිවරුන්වන ප්රසාද රණසිංහ, නිශාන්ත සොයිසා යන මහත්වරුන් සහ අසාද් මවුලානා යන අයගේ ප්රකාශ වලින් අනාවරණය වූ කරුණු සාරාංශ අධිකරණයට ඉදිරිපත් කරනු ලැබුවා. ස්වාමීනී එම ප්රකාශවල අතිශය සංකීර්ණ මෙන්ම ආන්දෝලනාත්මක කරුණු.
ස්වාමීනි එම ප්රහාර මාලාව සහ පසු ප්රහාර මාලාව සඳහා පුද්ගලයන් තුන් දෙනෙක් වක්රාකාරව සම්බන්ධ වී ඇති බවට, දැනුවත් භාවයක් තිබී ඇති බවට සාධාරණ සැකයකින් තහවුරු කර ගැනීමට විමර්ශන සිදු කරමින් සිටිනවා.
එම විමර්ශනවලට අදාළව යුද හමුදාවේ හිටපු බුද්ධි නිලධාරීන් වන ප්රේමානන්ද උදුලාගම , ආර් එක් අන්සාර් සහ හිටපු ජනාධිපති ගෝඨාභය රාජපක්ෂගේ විදේශ ගමන් තහනම් නියෝගයක් 2026.06.03 දින ගනු ලැබුවා. එම විදේශ ගමන් තහනම අත්හිටුවීම ලබාගත් දිනට පසුව රඳවා ප්රශ්න කරමින් සිටි තෙවන සැකකර සුරේෂ් සලේ විසින් දින දෙකකට පසුව ආහාර වර්ජනයක් ආරම්භ කළා. ස්වාමීනී, එම හේතුවෙන් 2026.06.07 දින ඔහු ට ජාතික රෝහලට ඇතුලත් කිරීමට සිදුවුණා. එදින සිට මාස හතරක කාලයක් පසුගිය ඔක්තෝබර් මස 10 වනදා දක්වා ඔහු ජාතික රෝහලේ ප්රතිකාර ලැබුවා. ඔක්තෝබර් මස 10 වන දින ඔහු ජාතික රෝහලෙන් මුදාහැරීමට කටයුතු කළ අතර එදින සිට මේ දක්වා අපරාධ පරීක්ෂණ දෙපාර්තමේන්තු භාරයේ රඳවා ප්රශ්න කරනු ලබනවා. තෙවන සැකකරු රෝහල්ගතවීමෙන් විමර්ශනයට බරපතළ අගතියක් සිදුවුණා. විමර්ශන ඉදිරියට කරගෙන යාමට නොහැකි වුණා. දැන් ඊට අදාළ විමර්ශන සිදු කරමින් පවතිනවා. හිටපු ජනාධිපති ගෝඨාභය රාජපක්ෂ ඔහුව අත්අඩංගුවට නොගන්නා ලෙස ඉල්ලමින් අභියාචනාධිකරණය හමුවේ නඩුවක් ගොනු කළා. එම ඉල්ලීම අභියාචනාධිකරණය විසින් ප්රතික්ෂේප කරනු ලැබුවා. ස්වාමීනි ඒ අනුව ඔහු ශ්රේෂ්ඨාධිකරණ හමුවේ තවත් පෙත්සමක් ගොනු කර තිබෙනවා. එම පෙත්සම මේ වන විට විමසමින් තිබෙනවා. හිටපු ජනාධිපතිවරයා ප්රතිකාර ලබා ගැනීමට සිංගප්පූරුවට යාමට කරන ලද ඉල්ලීම සම්බන්ධයෙන් අධිකරණය සෑහීමට පත්වන්නේ නම් තහවුරු කරගත හැකි ක්රමවේදයක් මත විදේශ ගමන් තහනම තාවකාලිකව ඉවත් කිරීමට විරෝධතාවයක් නැහැ ස්වාමීනි, ඔහු විදෙස්ගතවී නැවත පැමිණෙන බවට තහවුරු කර ගැනීමට නොහැකි වන්නේ නම් මෙම විමර්ශනය ඉතාමත් බරපතල අගතිතාවයක තත්ත්වයකට පත් වෙනවා. ස්වාමීනි ඒ නිසා සිවිල් සංවිධාන, අගතියට පත් පාර්ශවයන් කැළඹීමකට පත්වේවි. ඔවුන් මෙම විමර්ශනය සම්බන්ධයෙන් බලා සිටිනවා."
මහේස්ත්රාත්වරයා
"සැකකරුවෙක් නොවන පුද්ගලයෙක්ට විදේශ ගමන් තහනම් ඉවත් කිරීම ට අමතර ඇප නියම කිරීමට අධිකරණයට බලයක් නෑ . සැකකරු නැවත ගෙන්වා ගැනීමට පියවර ගැනීමටත් අධිකරණයට බලයක් නෑ. සැකකරුට විදේශ ගමන් තහනම ඉවත් කිරීමට විරුද්ධතාවයක් තිබෙනවාද නැද්ද යන්න කියන්න ඕන. බරපතල තත්ත්වයක් තිබෙනවා නම් විරුද්ධ වෙනවාද නැද්ද යන බව දැනගැනීමට අවශ්යයි. සැකකරුවෙන් නම් අධිකරණයට පියවර ගත හැකියි. මේ පුද්ගලයා අධිකරණයට ගෙන්වා ගැනීමට අධිකරණ බලයක්. පැහැදිලිව විරුද්ධ වෙනවාද නැද්ද යන්න අධිකරණයට දැනුම් දෙන්න.
අපරාධ පරීක්ෂණ දෙපාර්තමේන්තුව
"ස්වාමීනී, සැකකරු විදේශගත වී නැවත ගෙන්වා ගැනීමට ක්රමවේදයක් නැත්නම් සම්පූර්ණයෙන් විරුද්ධ වෙනවා. මේ අවස්ථාවේ සැකකරු විදේශගතහොත් විමර්ශන වලට දැඩි අගතියක් සිදුවෙනවා මෙම ඉල්ලීමට විරුද්ධ වෙනවා ස්වාමිනී."
හිටපු ජනාධිපති ගෝඨාභය රාජපක්ෂ මහතා වෙනුවෙන් පෙනී සිටි නීතිඥ රුවන්ත කුරේ මෙසේ කරුණු දැක්වීය
"ස්වාමීනි,2026.10.23 දින මෝසමක් ගොනු කරමින් විදේශගත වීමට අවශ්ය කරුණු සඳහන් කරමින් ඉල්ලීම සිදු කළා.
මෙම පුද්ගලයාගේ සෞඛ්ය තත්ත්වය මත එනම් සිංගප්පූරුවේ මවුන්ට් එලිසබත් රෝහලේ සිදුකළ බයිපාස් සැත්කම සිදු කළ විශේෂඥ වෛද්ය ටී සිවදාසන් මහතාගේ වෛද්ය අධීක්ෂණයට ඔහු යොමු කළ යුතු නිසා මෙම ඉල්ලීම සිදු කළා. 2019.05.28 සිට 2026.02.27 දක්වා කාලය තුළදී සෑම වසරකම මාස හයක කාලයක් තුළ සිංගප්පූරුවට ගොස් වෛද්ය වාර්තා සමාලෝචනය සහ පසු විපරම් වලට ලක් වෙනවා. මෙම නඩුව විභාග වන කාලය තුළත් සිංගප්පූරුවට ගොස් නැවත පැමිණ තිබෙනවා. පසුගිය ජුනි මස වෛද්ය ශිවදාසන් මහතා අදාළ සමාලෝචන සඳහා පැමිණෙන ලෙස දැනුම් දී තිබෙනවා. පසුගිය 02 දා මෙරට විශේෂඥ වරයෙකු යටතේ පුද්ගලික රෝහලට ඇතුළත් වී ප්රතිකාර ලබා ගත් ඊට අදාළ ලේඛනයක් ඉදිරිපත් කර තිබෙනවා. පුද්ගලික රෝහලකට ප්රතිකාර ලබා ගැනීමෙන් පසුව තමයි අද දින අධිකරණය පෙනී සිටින්නේ. මොහු සැකකරුවෙක් නෙමෙයි ඕනම අවස්ථාවක ප්රකාශයක් ලබාදීමට හෝ විමර්ශන සඳහා සහාය වීමට අපි සූදානම්. සිංගප්පූරුවේ සිවදාසන් මහතාගේ වෛද්ය අධීක්ෂණය සඳහා ලබන 28 සිට දෙසැම්බර් මස 8 දක්වා එහි රැඳී සිටිය යුතුයි. වෛද්ය උපදෙස් මත එම කාලය තුළ වෛද්ය සමාලෝචන සඳහා සහභාගී විය යුතුය. ස්වාමීනි විමර්ශන සඳහා අවශ්ය සියලු සහාය දීමට අපි සූදානම්. තාවකාලික විදේශ ගමන් තහනම ඉවත් කරන ලෙස කාරුණිකව ඉල්ලා සිටිනවා.
අපරාධ පරීක්ෂණ දෙපාර්තමේන්තුව සහ පැමිණිලි පාර්ශව ඉදිරිපත් කළ සියලු කරුණු සලකා බැලූ මහේස්ත්රාත්වරයා විදේශ ගමන් තහනම තාවකාලිකව ඉවත් කරන්නේද නැද්ද යන්න සම්බන්ධයෙන් තීන්දුව ලබාදීමට නඩුව ලබන 25 තෙක් කල් තබන ලෙස නියෝග කළේය.
පැමිණිල්ල වෙනුවෙන් අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී කලුආරච්චි, ප්රධාන පොලිස් පරීක්ෂක නානායක්කාර ඇතුළු නිලධාරීන් අධිකරණ හමුවේ පෙනී සිටි අතර පැමිණිල්ල වෙනුවෙන් නීතිඥ රුවන්ත කුරේ , හරිගුප්ත රෝහණදීර ඇතුළු නීතිඥ මඩුල්ල අධිකරණය හමුවේ පෙනී සිටියේය.
newstube.lk වෙබ් අඩවියේ පළවන සියළු ප්රවෘත්ති සහ විශේෂාංග ආශ්රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්රතිචාර දැක්වීමට ඇති අයිතියට අපි ගරු කරමු.
ඔබගේ ප්රතිචාර
