පුවත්

හිටපු ජනාධිපති රනිල් වික්‍රමසිංහගේ ආරක්ෂක නිලධාරියෙකු සමඟ ඇති වූ සිදුවීමකට අදාළව කොම්පඤ්ඤවීදිය පොලිසිය මගින් අත්අඩංගුවට ගනු ලැබූ පෞද්ගලික මාධ්‍ය ආයතනයක කැමරා ශිල්පියා පොලිස් ඇපමත මුදා හැ‍ර තිබෙනවා.

අද (01) උදෑසන එම සිදුවීමට අදාළව ප්‍රකාශයක් ලබා දීම සඳහා මෙම කැමරා ශිල්පියා පොලිසිය හමුවේ පෙනී සිටීමෙන් අනතුරුව ඔහුව අත්අඩංගුවට ගනු ලැබුවා.

ඊයේ (30) දින කොළඹ කොටුව මහේස්ත්‍රාත් අධිකරණ පිවිසුම් දොරටුව අසලදී මීට අදාල සිදුවීම සිදුව තිබූ අතර, කැමරාවකින් හිසට පහර දුන් බව පවසමින් අදාළ ආරක්ෂක නිලධාරියා කොළඹ ජාතික රෝහලට ඇතුළත් කර තිබුණි.