පුවත්

ජාතික පුස්තකාල සහ ප්‍රලේඛන සේවා මණ්ඩල සභාපති ධුරයෙන් ඉල්ලා අස්වන බව පැවසූ කිවියර ආචාර්ය රත්න ශ්‍රී විජේසිංහ අද එදා පැවසූ දේට වඩා හාත්පසින් ම වෙනස් ප්‍රකාශයක් කර ඇත. එනම් තමා සිය ඉල්ලා අස්වීමේ ලිපිය විෂය භාර අමාත්‍ය හිනිදුම සුනිල් සෙනවි වෙත යොමු කළ ද අමාත්‍යවරයා එම ලිපියි බාර නොගන්නා බවයි.

අමාත්‍ය හිනිදුම සුනිල් සෙනවි පවසා ඇත්තේ තව දුරටත් රත්න ශ්‍රී විජේසිංහ ගේ සේවය අවශ්‍ය බවයි.

එබැවින් අමාත්‍යවරයා ගේ ඉල්ලිමට පිටු පෑ නොහැකි බැවින් රජයේ, ආයතනයේ මෙන් ම ජනතාව ගේ යහපත උදෙසා තව දුරටත් ජාතික පුස්තකාල සහ ප්‍රලේඛන සේවා මණ්ඩල සභාපති ධුරයෙහි කටයුතු කරන බව ද රත්න ශ්‍රී විජේසිංහ ප්‍රකාශ කර ඇත.

නමුත් පසුගිය දා ආචාර්ය රත්න ශ්‍රී විජේසිංහ පැවසුවේ තමන් වයසට යෑමත් සමග ධාරිතාව පටු වන බවත්, විවේකය සහ නිර්මාණකරණයට කාලය අවශ්‍ය බැවින් ඉල්ලා අස්වන බව ය.