පුවත්

විමල් වීරවංශ ගේ සොහොයුරා සරත් විරවංශ ඇප මත මුදා හරින ලෙස කළ ඉල්ලීම සම්බන්ධයෙන් නියෝගය ලබන ජූලි 28 තෙක් කල් තබන ලෙස කොටුව මහේස්ත්‍රාත් පසන් අමරසේන අද 22 නියෝග කරයි.

ජනාධිපති ලේකම් කාර්යාලයෙන් ජාතික නිදහස් පෙරමුණට ලබා දුන් රජයේ වාහන 40ක් අවභාවිතා කරමින් රජයට රුපියල් මිලියන 41ක පාඩුවක් සිදු කළ බව කියන සිද්ධිය සම්බන්ධයෙන් හිටපු ඇමැති විමල් වීරවංශ ඇතුළු සැකකරුවන් තිදෙනෙකු ඇප මත මුදා හැර ඇත.

මෙම වාහන ඥාතීන් පස් දෙනකුට, ජාතික නිදහස් පෙරමුණ සාමාජිකයන් දස දෙනකුට සහඅමාත්‍ය මණ්ඩල සාමාජිකයන් 22ක ලබා දී ඇති බවට විමර්ශන අනාවරණය කළ බව අපරාධ පරීක්ෂණ දෙපාර්තමේන්තුව අධිකරණයට කරුණු වාර්තා කළේ ය.