පුවත්

මුදල් විශුද්ධීකරණ පනත යටතේ  දූෂණය නමැති වරදක් කිරීම සම්බන්ධයෙන් අල්ලස් හෝ දූෂණ චෝදනා විමර්ශන කොමිසම විසින් අත්අඩංගුවට ගනු ලැබූ හිටපු අමාත්‍ය සී.බී.රත්නායකට එරෙහි නඩුවක් නොවැම්බර් 10 යළි කැඳවිමට  කොළඹ ප්‍රධාන මහේස්ත්‍රාත් අසංග එස්. බෝදරගම  අද (21) නියෝග කළේ ය.

මෙලෙස නියෝග කළේ නඩුව කැඳවූ අවස්ථාවේ දී අල්ලස් කොමිසම  වෙනුවෙන් පෙනී සිටි විමර්ශන නිලධාරීන් විසින් කරන ලද කරුණු දැක්වීමෙන් අනතුරුව ය.

සිද්ධිය සම්බන්ධයෙන් වැඩිදුරටත් අධිකරණයට කරුණු දක්වමින් විමර්ශන නිලධාරීන් සඳහන් කර සිටියේ සැකකරුට එරෙහිව මහාධිකරණයේ අධි චෝදනා ගොනු කිරීමට   කටයුතු කරන බවයි.

සැකකරු මේ වනවිට ඇප මත මුදා හැර ඇත.