පුවත්

මාධ්‍යවේදිනියක් වන සුලෝචනා රමියා මෝහන් විසින් සමාජ මාධ්‍ය වේදිකාවක් වන X (පෙර Twitter) තුළ හුවමාරු කරගන්නා ලද අන්තර්ගතයක් පිළිබඳව අපරාධ විමර්ශන දෙපාර්තමේන්තුව (CID) විසින් කරන ලද බව වාර්තා වන ඉල්ලීම දැඩි ලෙස හෙළා දකින බව ශ්‍රී ලංකාවේ ප්‍රජාතන්ත්‍රවාදය සඳහා සමාජ මාධ්‍ය මාධ්‍යවේදීන්ගේ එකතුව සඳහන් කරයි.

ඔවුන් මේ බව සඳහන් කරන්නේ මාධ්‍ය නිවේදනයක් නිකුත් කරමිනි.

මාධ්‍යවේදීන්ට බියකින් තොරව තම වෘත්තිය ක්‍රියාත්මක කළ හැකි පරිසරයක් ඇති කිරීම උදෙසා ප්‍රජාතන්ත්‍රවාදී භාෂණයේ නිදහස තහවුරු කළ යුතු බව ශ්‍රී ලංකාවේ ප්‍රජාතන්ත්‍රවාදය සඳහා සමාජ මාධ්‍ය මාධ්‍යවේදීන්ගේ එකතුව දැඩිව අවධාරණය කරන්න බව ද එම නිවේදනයේ වැඩි දුරටත් සඳහන් වේ.

මතු පළ වන්නේ ශ්‍රී ලංකාවේ ප්‍රජාතන්ත්‍රවාදය සඳහා සමාජ මාධ්‍ය මාධ්‍යවේදීන්ගේ එකතුවෙහි අධ්‍යක්ෂ මලිති හේවාවසම් ගේ අත්සනින් යුත් එම නිවේදනය යි.