පුවත්

2026 දෙවන කාර්තුව සඳහා විදුලි ගාස්තු සංශෝධනය පිළිබඳ ජාතික පද්ධති කළමනාකරණ සමාගම විසින් නිවේදනයක් නිකුත් කර ඇති බවත්, එහි දී රුපියල් බිලියන 41ක පිරිවැය හිඟයක් පියවා ගැනීම සඳහා විදුලි ගාස්තු 40% සිට 50% දක්වා ඉහළ නැංවීමට සිදුවනු ඇතැයි පෙරටුගාමී සමාජවාදී පක්ෂය සඳහන් කරයි.

ඔවුන් මේ බව සඳහන් කරන්නේ මෙම වසරේ දෙවන කාර්තුවේ විදුලි ගාස්තු වැඩි කිරීමට ජාතික පද්ධති කළමනාකරණ සමාගම මහජන උපයෝගිතා කොමිසමට කළ ඉල්ලිම ප්‍රතික්ෂේප කරන්නැයි ඉල්ලා, විශේෂයෙන් බාල ගල් අඟුරු මගඩියේ  අලාභය විදුලි පාරිභෝගිකයන් මත පැටවීම නවත්වන්නැයි ඉල්ලා, ඊයේ (10) මහජන උපයෝගිතා කොමිසම වෙත බාරදුන් ලිපියේ ය.

මතු පළ වන්නේ පෙරටුගාමී සමාජවාදී පක්ෂය මහජන උපයෝගිතා කොමිසම වෙත බාරදුන් ලිපිය යි.