වත්මන් රජය මේ වන විට ඩීසල් මිලදී ගන්නේ ලෝක වෙළඳ පොළෙහි මිලටත් වඩා ඩොලර් 45ක් වැඩියෙන් බවත්, මීට පෙර පැවසුවේ නම් මිත්රශීලී රටවල් සමග සාකච්ඡා කර අඩු මිලට තෙල් ලබාගැනීමේ හැකියාවක් පවතින බව යැයි ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ පැවසී ය.
මේ සම්බන්ධයෙන් වැඩි දුරටත් අදහස් දැක්වූ නාමල් රාජපක්ෂ...
ආණ්ඩුවට ඊළඟ ආත්මෙවත් බැරි දේ
''අද ලෝක වෙළඳපොලේ මිලටත් වඩා ඩොලර් 45ක් වැඩියෙන් තමයි ඩීසල් මිලදී ගන්නේ. ලෝක වෙළඳපොලේ මිලටත් වඩා වැඩියෙන් 45ක් ගෙවලා මිලදී ගන්නේ. හැබැයි කලින් කිව්වේ මිත්රශීලී රටවල් එක සාකච්ඡා කරලා අඩුවට තෙල් ගන්න පුළුවන් හැකියාව තියෙනවා කියලා. හැබැයි එහෙමවත් කරන්න උත්සාහයක් දක්වන්නෙ නැතුව ජනතාවට එක කාරණයක් කියලා වෙන කාරණයක් කරන්න පෙළඹෙන ආණ්ඩුව තවදුරටත් අපිට මඩ ගැහුව කියල ජනතාවගේ ප්රශ්න විසඳෙන්නේ නෑ. රාජපක්ෂලා ඩොලර් බිලියන 18ක් හොරකන් කලා කිවුවා. හැබැයි ඉතින් ඔහොම රුපියල් මිලියන විස්ස විස්ස හදාගෙන යන්න ගියොතින් ඩොලර් බිලියන 18 හදාගන්න වෙන්නේ අවුරුදු පහට නෙවෙයි ඊළඟ ආත්මෙටවත් බෑ.
පොලිස්පතිවරයා මාලිමාවෙ ද...?
ආණ්ඩුව පැහැදිලිවම තමන් ගේ නොහැකියාව වහගන්න තමන් ගල් අඟුරුවලින් කරපුු වංචාවල් කැබ් ගනුදෙනුවලින්, සීනි ගනුදෙනුවලින්, අද ආණ්ඩුව කරපු වංචාව අද ලුණු ඇටේ ඉඳලා පිටරටින් ගෙන්වන තැනට මේ රටේ ජාතික ආර්ථිකය ඇතුලෙ තියෙන ව්යාපාර වට්ටපු ආණ්ඩුව, තවමත් උත්සහ කරනවා පරණ තමන් කියපු බොරු ටිකක් අධිකරණය ලව්වා නැත්නම් මේ රටේ තියෙන ස්වාධීනයි කියන ආයතන ලවා ඔප්පු කරවන්න. ඉතින් ඒ හන්දා බය කරලා කට උත්තර ලියාගන්නවා. ඉතින් මේක තමයි මේ ආණ්ඩුව පහුගිය ආණ්ඩු යහපාලන කාලය ආණ්ඩුවෙන් ගත්ත අත්දැකීම්. මොකද යහපාලන ආණ්ඩුවේත් දූෂණ මර්දන කමිටුවල හිටපු අයනේ මේ ආණ්ඩුවේ ඉන්නේ. ඉතින් මට තියෙන කණගාටුව මේ රටේ ස්වාධීන ආයතන නීතිය ආරක්ෂා කරන්න තියෙන ජනතාවට සාධාරණයක් ඉෂ්ට කරන්න තියෙන ආයතනවලට තියෙන ගෞරවය සහ විශ්වාසය කඩන් වැටෙනවා. ඉතින් පොලිස්පතිවරයා තීන්දු කරන්න ඕන තවත් දුරටත් පැලවත්තේ මාලිමාවේ පොලිස්පතිවරයා විදියට වැඩ කරනවද නැත්තං අවංකවම ශ්රී ලංකාවේ පොලිස්පතිවරයා විදියට වැඩ කරනවද සාධාරණයක් කරනවද කියන එක ගැන.
බංකලොත් දේශපාලනය නවත්වන්න
ඉතින් ඔහොම මිලියන විස්ස විස්ස හදාගෙන යන්න ගියොතින් ඩොලර් බිලියන 18 හදාගන්න වෙන්නේ නෑ.මේ අවුරුදු පහට නෙවෙයි ඊළඟ ආත්මෙටවත්. ඒකෙන්ම පැහැදිලියිනේ ඉතින් දැන් කලින් කිව්වේ ඩොලර් බිලියන 18 ගැනනේ. දැම්මේ ඩොලර් බිලියන 18 ට හදන්න යන ගමන යන්නේ මිලියන විස්ස විස්ස එකතුකරන්. ඉතිං අපි ආණ්ඩුවට කියන්න තියෙන්නේත් කරුණාකරල මේ බංකලොත් දේශපාලනය නවත්වන්න. ඔබට පොරොන්දු වෙච්ච දේවල් කරගන්න බැරි වෙනකොට මේ තියෙන අභියෝගවලට මුහුණ දෙන්න බැරිවෙනකොට තමන්ගෙ ගල් අඟුරු වංචාවෙන් දැන් ජනාධිපතිතුමා පාර්ලිමේන්තුවේ කතා කෙරුවා. හැබැයි ගල්අඟුරු ගැන එක වචනයක්වත් කතා කරේ නෑනේ. ඉතිං පැහැදිලිවම බාල ගල් අඟුරු ගෙනාව බවට අද මුළු රටම ලෝකය ම දන්නවා. අවසානයේ ඒකෙන් වෙච්ච පාඩුව වහගන්න තෙල් වල මිල වැඩි කරලා ඒක ජනතාවගේ පිටට දානවා. විදුලි බිල වැඩි කරලා ඒකත් ජනතාව ට ගෙවන්න සිද්ධ වෙලා තියෙනවා.
ස්වාධීන ආයතන කෙරෙහි තියෙන විශ්වාසය බිඳවැටිලා
ආණ්ඩුව තවදුරටත් අපිට මඩ ගැහුව කියල ජනතාවගේ ප්රශ්න විසඳෙන්නේ නෑ. දැන් කාගේ ගාවටද යන්නේ, රටේ වගකිවයුතු නිලධාරීන් මරණ තර්ජනය කරලා කට උත්තර ලියාගන්නව නම්, පොලිස්පතිවරයාත් ඒකට සහයෝගය දෙනව නම් ජනාධිපතිවරයා ප්රමුඛ ආණ්ඩුවත් ඒ පිටිපස්සේ නම් ඉන්නේ අපි කාගේ ගාවටද යන්නේ? ඉතින් එතනින් එහාට අපට සාධාරණයක් ගන්න මොන ආයතනය ද තියෙන්නේ ඒ හින්ද තමයි මම පැහැදිලිවම කියන්නේ මේ කරන වැඩෙන් වෙන්නේ මේ ස්වාධීන ආයතනය කෙරෙහි තියෙන විශ්වාසය බිඳවැටෙනවා අපි ආණ්ඩුවටත් කියන්නේ කරුණාකරලා සාධාරණව පරීක්ෂණ කටයුතු කරන්න. දැන් එක් පුද්ගලයෙක් එල්ලිලා මැරිච්ච කාරණාවකුත් ඒ සම්බන්ධව සඳහන් වෙනවා. එල්ලිලා මැරෙන තැනට යනකම් පීඩනයක් දීලා තියෙනවා .එල්ලිලා මැරෙන තැනට ඔහුව තල්ලු කරලා තියෙනවා. අර අසූ අට අසූ නමය වගේ දැන් රජයේ ස්වාධීන ආයතන තුළත් එවැනි පීඩනයක් දීලා බොරු සාක්ෂි හදාගන්න හදනවා නම්, ඒ කාරණය පෙන්නලා තවත් කෙනෙක්ව බිය ගන්නවන්න උත්සාහ කරනව නම්, ඉතින් එතනින් එහාට මේ රටේ රාජ්ය ආයතන සහ ස්වාධීන ආයතන වල තියෙන විනිවිද භාවය ගැන කාටද අපි කියන්නේ?
අපි ඕන එකකට ලෑස්තියි
පැහැදිලිවම අපි ගතයුතුයි නීතිමය ක්රියාමාර්ග හා දැනුම් දිය යුතු හැම ආයතනයටම අපි දැනුම් දෙනවා. හැබැයි ඉතින් අවසානයේ තමන් හදපු බොරු සාක්ෂි තමයි අධිකරණවල නඩු අහන්න වෙන්නේ. ඉතින් මෙහෙම නම් යුද්දේ ඉවර කරල මේ රට ගොඩනගපු ජනාධිපතිවරයාටත් සලකන්නේ ඉතින් මේ රටේ සාමාන්ය ජනතාව ගේ අවශ්යතාව ඉටුකරන්නේ නැති අයට මේ ආයතන කොහොම හැසිරෙනවද කියලා හිතාගන්න පුළුවන්නේ. එක පැත්තකින් මේ ආණ්ඩුවට ඩයස්පෝරාවේ අවශ්යතාවය ඉටු කරන්න ඕන. ඩයස්පෝරාවේ අවශ්යතාවය මත අපි දැක්කා සුරේෂ් සලේව අරගෙන තියෙනවා. ඒ වගේම නොයෙක් කාරණා ක්රියාත්මක වෙනවා. අවසානයේ මෙහෙම නම් පරීක්ෂණ කටයුතු වෙන්නේ මහින්ද රාජපක්ෂ ජනාධිපතිවරයාටවත්, මේ රටේ ජනතාවටවත්, මේ ආණ්ඩුවෙන් නීතිමය ක්රියාමාර්ග ගන්න ආයතනවල අධිකරණවල හා පොලිසියෙන් සාධාරණයක් නම් වෙන්නේ නෑ. හැබැයි ඉතින් අපි ඕන එකකට ලෑස්තියි. ඒකත් මතක තියාගන්න.
ආණ්ඩුව මැදපෙරදිග යුද්ධය විහිළුවට ලක් කළා
ආණ්ඩුව මේ තෙල් කාරණයට සූදානම් වීම පිළිබඳව රටේ ජනතාව සෑහීමකට පත්වෙනවද නැද්ද කියන කාරණය පිළිබඳව ජනතාව වෙලාවට උත්තරයක් දෙයි. හැබැයි ඉතින් ආණ්ඩුවට ඕන තරම් වෙලාවක් තිබ්බා මේකට සූදානම් වෙන්න. ලෝකයේ හැම රටක ම මේකට සූදානම් වෙද්දි ආණ්ඩුව මේක විහිළුවකට ගත්තා. ඒ පිළිබඳව අපි පාර්ලිමේන්තුවේ මතක් කරාම අපිට දවස් හතළිස් පහකට තෙල් තියෙනවා කලබල වෙන්න ඕනෙ නෑ කිව්වා. අනිත් කාරණයේ ආණ්ඩුව දැන් ලෝක වෙළඳපොලේ මිලටත් වඩා ඩොලර් 45 ක් වැඩියෙන් ගෙවලා තමයි ඩීසල් ගන්නේ.ඒ කියන්නේ ආණ්ඩුවේ සූදානම ගැන හිතාගන්න පුළුවන්නේ. පහුගිය කාලයේ ත්රිකුණාමලය තෙල් ටැංකි ටික හදන්න යනකොට ඒකට විරුද්ධ උණා. LNG බලාගාරය ගේනකොට ඒකටත් විරුද්ධ උණා. සුළං විදුලි බලාගාරය ගේනකොට ඒකට විරුද්ධ උණා විතරක් නෙවෙයි ආයෝජකයා ගේ ආයෝජනය අහෝසි කරලා ඔහුව හරවලා යැව්වා. අඩුම ගානේ සුළං විදුලි බලාගාරයෙන් මෙගාවොට් පන්සියයක් වත් මේ වෙලාවේ හදල තිබ්බනම් ආණ්ඩුවට විදුලි බිල වැඩි කරන්නවෙන්නේ නැහැ. ඒ සුළං විදුලි බලාගාර ආයෝජකයා කොහෙන්ද මොන රටෙන්ද ආව කියන එක නෙවෙයි ආයෝජනයක් නේ. හැබැයි ඒ ආයෝජනය යථාර්ථයක් වුනා නම් විදුලිබිල වැඩි කරන්න වෙන්නේ නැහැ. එහෙම උනෙත් නෑ. ආණ්ඩුවට බලයට ඇවිල්ලා කරෙත් ඒක. අඩුම ගානේ හරි ගල් අඟුරු ටික ගෙනවා නම් බාල ගල් අඟුරු ගේන්නේ නැතුව හරි ගල් අඟුරු ටික ගෙනාව නං. ඒත් මේ බර ජනතාව මත පටවන්න අවශ්ය වෙන්නේ නැහැ.දැන් මොකක්ද කරන්නේ ආණ්ඩුවේ නොහැකියාව වහගන්න, වෙච්ච පාඩුව වහගන්න, ආණ්ඩුවේ හොරකම වහගන්න, ලෝක වෙළඳපොළේ මිලටත් වඩා ඩොලර් 45 ක් වැඩියෙන් තෙල් මිලදී ගන්නවා.
පෝර්ට් සිටියේ උපරිම ප්රයෝජනය ගන්න
මම හිතන්නේ එදා ජනාධිපතිතුමා කිව්වනේ සීගිරිය කඩලා ගේන්න වෙයි කිව්වනේ පෝට්සිටිය හදන්න. අපි ඒ ප්රශ්නය දැන් ඔබතුමා ගෙන් අහන්නේ නැහැ. ඒ නිසා පෝර්ට් සිටියේ ප්රයෝජනය මේ වෙලාවේ උපරිමයෙන් ගන්න. ඩුබායි සහ මැද පෙරදිග ආයෝජන මේවෙලාවේ වෙනත් බැංකුකරණ සඳහා ලෝකයේ වෙනත් ස්ථාන හොයනවා ඒකට හොඳම සහ සුදුසුම තැන තමයි කොළඹ වරාය නගරය. අපි එදා කොළඹ වරාය නගරය ඉදිකළේ බැංකුකරණයේ කේන්ද්රස්ථානයක් බවට පත්කරන්න. දැන් තමයි වෙලාව අඩුම ගානේ ඒ ආයෝජකයන්ට බදු සහනයක් හරි දීලා ලෝකේ හැම රටක් ම දෙනවා අඩුම ගානේ විදේශ රටවල උපයන ආදායමට ලංකාවේ බද්ද අයින් කරලා හරි පෝර්ට් සිටියේ උපරිම ප්රයෝජනය ගන්න එක. ඒ වගේම මත්තල ගුවන්තොටුපළ ගැන මේ වෙලාවේ ලෝකයේ අවධානය යොමුවෙලා තියෙනවා. ඒ ගුවන් සමාගම් එක්ක සාකච්ඡා කරන්න.තව අවුරුද්දක් මාස කිහිපයක් ගියාට පස්සේ ඒ අය විකල්ප හොයා ගන්නවා.ඒ අය විකල්ප හොයාගන්න කලින් අපේ වරාය නගරයක් මත්තල ජාත්යන්තර ගුවන්තොටුපලත් මේ ශ්රී ලංකාවේ තියෙන භූගෝලීය පිහිටීමත් එක්ක තියෙන වාසිය උපරිමය ගන්න ඕන. ඒ නිසා ආණ්ඩුව දැන්වත් වැඩ කරොත් හොඳයි.ආණ්ඩුව දැනුවත් තේරුම් ගත යුතුයි රාජපක්ෂලාට වඩා ආණ්ඩුවට ප්රශ්න තියෙනවා කියලා. මොකද ආණ්ඩුවට තියෙන ලොකුම ප්රශ්නය රාජපක්ෂලා නේ. ඊට වඩා ලොකු ප්රශ්නයක් මේ රටේ ලෝකයෙ දැන් තියෙනවා කියලා තේරුම්ගතොත් හොඳයි. මේක අලුත් දෙයක් නෙවෙයි අපිට යහපාලන ආණ්ඩුවත් එකයි ජේ.වී.පී ආණ්ඩුවත් එකයි. අදටත් එහෙමයි යුද්දේ ඉවර කරනකොට බැලුවත් මහින්ද රාජපක්ෂ එදා පාර්ලිමේන්තුවේ කරපු කතාවේ කිව්වා මට විතරක් නෙවෙයි මගේ පවුලේ අයට විතරක් නෙවෙයි මගේ දරුවන් ගේ දරුවන්ටත් මේ ගත්ත තීන්දුව මත යම් අභියෝග එල්ල වෙයි කියලා. ඒ තීන්දු අපි දැනගෙන තමයි ගත්තේ ඒ හින්දා පසුතැවෙන්නෙත් නෑ පසු බහින්නෙත් නෑ.
සබ්මැරීන් ප්රහාරයක් නෙවෙයි; නෑ සබ්මැරීන් ප්රහාරයක්
ප්රතික්ෂේප කරලා නම් ඒ යුදමය ගුවන් යානයක් නම් යුදමය කටයුත්තක් සඳහා නම් තෙල් ගොඩ බාන්න අවසර ඉල්ලලා තියෙන්නේ ඒක ප්රතික්ෂේප කරපු එක හොඳයි. හැබැයි මේ ප්රකාශයේ වලංගුභාවය දැනගන්න තව ටික දවසක් ඉන්න වෙයි. මොකද අපි දැක්කා සබ්මැරීන් ප්රහාරය සම්බන්ධයෙන් නාවික හමුදාවේ ප්රකාශකවරයා ඉස්සෙල්ලා ම ඇවිල්ල කිව්වා මේක සබ්මැරීන් ප්රහාරයක් නෙවෙයි කියලා. ටික වෙලාවක් යනකොට ඇමරිකාවෙන් කිව්වා ඒක සබ්මැරීන් ප්රහාරයක් කියලා. තවත් තානාපති කාර්යාලයක් එක්ක සාකච්ඡා කරා විදේශ රැකියා සම්බන්ධයෙන්. තානාපති කාර්යාලයේ නම කියන්න යන්නේ නෑ. හැබැයි ටික වෙලාවකින් ඒ අය කිව්වා අපිත් එක්ක සාකච්ඡා කළේ නෑ කියලා. තවත් මෑතක තවත් තානාපති කාර්යාලයත් එක්ක සාකච්ඡා කරා තෙල් සම්බන්ධයෙන් ඒ තානාපති කාර්යාලයෙනුත් කිව්වා එහෙම දෙයක් වුණේ නැහැ කියලා. ජනාධිපතිතුමා මේ ප්රකාශය සද්භාවයෙන් කරාද නැත්තං සිංහල තේරෙන්නේ නැති නිසා කවුරුවත් තේරුම් ගන්නෙ නැති වෙයි කියලා කරාද කියලා මම දන්නේ නෑ. ඒ හින්දා ඔය සම්බන්ධයෙන් අවංකව ජනාධිපතිවරයා එවැනි තීන්දුවක් අරගෙන තියෙනවනම් ඒක හොඳයි. හැබැයි ඒ ප්රකාශය වලංගුභාවය දැනගන්න තව ටික දවසක් ඉන්න වෙයි.
දේශපාලන භූමිකාවේ තියෙන ප්රසිද්ධ රහස
පැහැදිලිවම යූඑස් ඒඩ් ආයතනය කලාපයේ රෙජිම් චේන්ජ් වෙනස් කිරීම සඳහා මුදල් වැය කරා කියන පිළිබඳව ඩොනල්ඩ් ට්රම්ප් ජනාධිපතිවරයා පැහැදිලිවම කරපු ප්රකාශයක්. ඒක නාමල් රාජපක්ෂ ගේ ප්රකාශයක් නෙවෙයි. ඒ වගේම තමයි මේ රටේ විද්වතුන් කරපු සමීක්ෂණවල දී මේ කලාපය තුළදී එවැනි දෙයක් වෙලා තියනවා කියන පිළිබඳව ලිපි පළවෙලා තියෙනවා, පොත් ලියලා තියෙනවා, ඒ වගේම වාර්තා වැඩසටහන් හදලා තියෙනවා. සහ ඒක දේශපාලන භූමිකාවේ තියෙන ප්රසිද්ධ රහසක්. ඒක ඩොනල්ඩ් ට්රම්ප් ජනාධිපතිවරයාම ප්රසිද්ධියේ කියලා තියෙනවා. කවුරුහරි කියනවා නම් ඒක නාමල් රාජපක්ෂ කියපු හින්දා විදේශ කටයුතුවලට බාධාවක් වෙයි කියලා ඒක ට්රම්ප් ජනාධිපතිවරයත් එක්ක බේරගන්න. මගේ මතය මම කියනවා.
තෙල් දීල පෝලිම් අඩු කරන්න
ඉතින් ආණ්ඩුව මිල වැඩි කරනවා කරලා පරිභෝජනය අඩු කරනවා; එහෙම කරලා පෝලිම් අඩු කරනවා. එහෙම නැතුව තෙල් ලබා දීලා පෝලිම් අඩු කරන්නේ නෑ. පරිභෝජනය අඩු කරලා තමයි පෝලිම් අඩු කරන්නේ.හැබැයි ඉතින් මේකෙන් තව පැත්තක් තියෙනවා සංචාරක ව්යාපාරයට දැඩි පහරක් එල්ල වෙනවා කුඩා හා මධ්ය පරිපාලණ ව්යාපාරිකයන් අපහසුතාවයකට පත් වෙනවා. කෘෂි අස්වැන්න නෙළන ගොවීන් විශාල අර්බුදයකට පත්වෙනවා. දැන් පොහොර සම්බන්ධයෙන් තාම ආණ්ඩුව ආණ්ඩුවේ ස්ථාවරය මොකක්ද. පොහොර සම්බන්ධයෙන් ආණ්ඩුවේ විකල්පය මොකක්ද. අර තෙල් ඩොලර් හතළිස් පහක් ගෙවලා ගත්ත වගේ ඩොලර් ගණනාවක් වැඩියෙන් ගෙවලා පොහොර ගන්නව ද, එහෙම නැත්නම් මිත්රශීලී රටක් එක්ක සාකච්ඡා කරලා තියෙනව ද...? වීවලට ආණ්ඩුව ලබාදෙන මිළ කීය ද, ඒ වී ගොවියා ගෙන් සාධාරණව මිලදී ගන්නා ක්රමය මොකක් ද, නැතිනම් තවදුරටත් පහුගිය කන්න කරපුවා වගේ ව්යාපාරිකයෝ කිහිප දෙනෙක්ට විතරක් මිලදී ගන්නා විදියට බලාගෙන ඉන්නව ද...? මේ කාරණා පිළිබඳව ආණ්ඩුව විසඳුමක් හොයන්න ඕන කාරණා වගේම සූදානම් වෙන්න ඕන කාරණා.
පාර්ලිමේන්තුව ගිනි තියන්න කියලා රටේ ජනතාවට ආරාධනා කරපු අය පාර්ලිමේන්තු ආවම ඉතිං පාර්ලිමේන්තුව ගැන ගරුත්වයක් නෑනේ. ඉතින් තමන්ට ගරුත්වයක් නෑනේ. ඉතින් ගිනි තියන්න හිටපු තැනනේ. තමන් ගිනි තියන්න හිටපු තැන ඇවිල්ල වාඩි වුණාම ගරුත්වයක් නෑ. මොකද මේ රටේ උත්තරීතම තැන තමයි පාර්ලිමේන්තුව. ඉතින් ඒක ගිනි තියන්න ආපු අය පාර්ලිමේන්තුව ඒගොල්ලන්ගේ හිතේ තියෙන්නේ මේක ගිනි තියන්නමයි. මොනවා කරන්නද ඉතින්.''
