පුවත්

කොළඹ විශ්වවිද්‍යාලයේ උපකුලපති පර්යේෂණ විශිෂ්ටතා සම්මානය මහාචාර්ය ප්‍රදීප් එන් වීරසිංහ දිනාගෙන ඇත.

ඊයේ  බණ්ඩාරනායක ජාත්‍යන්තර සම්මන්ත්‍රණ ශාලාවේ දී පැවැති කොළඹ විශ්වවිද්‍යාලයේ  පශ්චාත් උපාධි ප්‍රධානෝත්සවයේ දී මෙම සම්මානය මහාචාර්ය ප්‍රදීප් එන් වීරසිංහ වෙත  පිරිනමනු ලැබුවේ උපකුලපති මහාචාර්ය ඉන්දික කරුණාතිලක  විසිනි.

2023, 2024, 2025 වසරවල  කොළඹ විශ්වවිද්‍යාලයේ පර්යේෂණ විශිෂ්ටතා සෙනෙට් සම්මාන ද  දිනාගනු ලැබුවේ  මහාචාර්ය ප්‍රදීප් වීරසිංහ විසිනි.  කොළඹ විශ්වවිද්‍යාලයේ ජනමාධ්‍ය  විෂය පිළිබඳ  මහාචාර්යවරයකු වශයෙන් කටයුතු කරන මහාචාර්ය වීරසිංහ ගේ  පර්යේෂණ, ජාත්‍යන්තර පර්යේෂණ සඟරාවල පළ වී ඇති අතර ඔහුගේ ලේඛන Sage, Routledge  යනාදි ජාත්‍යන්තර පොත් සමාගම් විසින් පළ කරනු ලැබ ඇත.