මේජර් ජනරාල් තුවාන් සුරේෂ් සලේ අත්අඩංගුවට ගැනීම යනු රටේ ජාතික ආරක්ෂාව සහ රාජ්යයේ පැවැත්ම බිඳවට්ටමින් දෙමළ ඩයස්පෝරාවේ වුවමනා ඉටු කිරීම සඳහා දියත් කර ඇති “දේශපාලන මෙහෙයුමක්” යැයි ජාතික නිදහස් පෙරමුණේ නායක විමල් වීරවංශ පැවසී ය.
ඔහු මෙලෙස ප්රකාශ කළේ අද (27) බත්තරමුල්ලේ පිහිටි පක්ෂ මූලස්ථානයේ පැවති මාධ්ය හමුවේ දී ය.
යුද සමයේ දී එල්.ටී.ටී.ඊ. නායක තමිල්සෙල්වන් බඳු ඉලක්ක වෙත සාර්ථකව ප්රහාර එල්ල කිරීමට අවශ්ය බුද්ධි තොරතුරු සපයමින් රට වෙනුවෙන් සුවිශේෂී මෙහෙවරක් කළ නිලධාරියෙකු මෙසේ දඩයම් කිරීම හෙළා දකින බවත්, පාස්කු ප්රහාරය සම්බන්ධයෙන් සහරාන් ඇතුළු අන්තවාදීන් ගේ ක්රියාකාරීත්වය පිළිබඳව යහපාලන රජයේ ආරක්ෂක මණ්ඩලයට මුලින්ම අනතුරු ඇඟවූයේ සලේ බවත්, එදා එම තොරතුරු නොසලකා හැර අද අනතුරු ඇඟවූ පුද්ගලයා ම වැරදිකරු කිරීමට උත්සාහ කිරීම හාස්යජනක යැයි ද විමල් වීරවංශ වැඩි දුරටත් පැවසී ය.
මතු පළ වන්නේ එම මාධ්ය හමුවේ දී විමල් වීරවංශ කළ සම්පූර්ණ ප්රකාශය යි.
