මොරටුව විශ්වවිද්යාලයීය තාක්ෂණික ආයතනයේ (ITUM) නිරීක්ෂණ චාරිකාවක් සඳහා ඊයේ (24) අධ්යාපන, උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න එක්වුණි.
ක්ෂේත්ර 10 ඔස්සේ තාක්ෂණවේදය පිළිබඳ ජාතික ඩිප්ලෝමා(NDT) පිරිනමන මෙම ආයතනය, යෝජිත උසස් අධ්යාපන ප්රතිපත්තියට සමගාමීව වඩා ගුණාත්මක දිශානතියකට යොමු කරවීම අරමුණු කරගෙන පවතින යටිතල පහසුකම් ඇතුළු තාක්ෂණික උපාංග අධීක්ෂණය සහ සිසුන්, ආචාර්යවරුන් සහ පරිපාලන නිලධාරීන් හමුවී අදහස් විමසීම මෙම නිරීක්ෂණ චාරිකාවේ අරමුණ විය.
එම උසස් අධ්යාපන ආයතන ව්යුහයේ සියලු ම පාර්ශ්ව ආවරණය වන පරිදි: අංශ ප්රධානීන්, ආචාර්ය සංගමය, අනධ්යයන කාර්ය මණ්ඩලය සහ ශිෂ්ය සංගම් සාමාජිකයින් සමග සාකච්ඡා සිදුකළ නියෝජ්ය අමාත්යවරයා ඔවුන් ගේ සුබසාධන සහ වෘත්තීයමය අවශ්යතා මෙන්ම අධ්යයන පරිසරයේ සිදුකළ යුතු යාවත්කාලීන කිරීම් සම්බන්ධව ද අවධානය යොමු කළේ ය.
විශ්වවිද්යාල ඇතුළු සියලුම උසස් අධ්යාපන හා වෘත්තීය අධ්යාපන ආයතනයන්හි පාඨමාලාවල ගුණාත්මකභාවය ඉහළ නංවමින් රැකියා වෙළෙඳපොළට පිවිසෙන සිසුන්ට ගෞරවනීය වෘත්තීය ජීවිතයකට එළඹීමට අවස්ථාව උදා කරන බව නියෝජ්ය අමාත්යවරයා මෙහි දී කියා සිටියේ ය.
එමෙන් ම එම ආයතනයේ ශිෂ්ය සංගම් සාමාජිකයින් හමුවෙමින් ඒ මහතා කියා සිටියේ උසස් අධ්යාපන ආයතන තුළ නවක වදය සහ මත්ද්රව්යවලින් තොර වටපිටාවක් ගොඩනැගීම සඳහා වන රජයේ ප්රතිපත්තිවලට ගරු කරමින් එය සාර්ථක කරගැනීමට සියලු දෙනා සහයෝගය දිය යුතු බවයි.
මොරටුව විශ්වවිද්යාලයීය තාක්ෂණික ආයතනයේ අංශ ප්රධානීන්, ආචාර්යවරුන්, අනධ්යයන කාර්ය මණ්ඩලය සහ ශිෂ්ය සංගම් සාමාජිකයින් පිරිසක් මෙම අවස්ථාව සඳහා සහභාගී වූහ.
මාධ්ය ඒකකය
