පුවත්

ලෝක බෞද්ධ සංඝ සම්මේලනයේ 60 වන සංවත්සරය ශ්‍රී ලංකාවේ පැවැත්වීම පිළිබඳ සාකච්ඡාවක් අද (24) ජනාධිපති කාර්යාලයේ දී පැවැත්විණි.

දෙස් විදෙස් භික්ෂූන් වහන්සේ සහ ගිහි නියෝජිතයන්ගේ සහභාගීත්වයෙන් නොවැම්බර් 28 සිට දෙසැම්බර් 2 දා දක්වා ශ්‍රී ලංකාවේ පැවැත්වීම නියමිත මෙම සංවත්සරය සඳහා අවශ්‍ය රාජ්‍ය අනුග්‍රහය ලබා දීම වෙනුවෙන් බුද්ධ ශාසන අමාත්‍යාංශය, ජනාධිපති කාර්යාලය, ආරක්ෂක ලේකම්, පොලිස්පති සහ විදේශ අමාත්‍යංශයේ නිලධාරීන්ගෙන් සමන්විත ඒකාබද්ධ කමිටුවක් පත් කිරීමට ජනාධිපති අනුර කුමාර දිසානායක උපදෙස් ලබා දී ඇත.

මෙම සංවත්සර වැඩසටහන ශ්‍රී ලංකාවේ බෞද්ධ ප්‍රබෝධය ලොවට විදහා දක්වන මහගු අවස්ථාවක් වනු ඇතැයි ජනාධිපතිවරයා පැවසී ය.

ජනාධිපති මාධ්‍ය අංශය