වරාය සේවකයින්, වෘත්තිය සමිති, ආගමික නායකයින් සහ බහුජන සංවිධාන සිවිල් අරගලයක් කර ජාතියට රැකදුන් කොළඹ වරායේ නැගෙනහිර පර්යන්තයේ ප්රධානම උපකරණය වන ‘ස්ට්රැඩල් කැරියර්ස් (Straddle Carriers) මිලදී ගැනීමට ටෙන්ඩර් පහක් කැඳවා හතරක් අවලංගු කර ඇත.
පස්වැනි ටෙන්ඩරය ද අවලංගු නොකර වඩාත් කාර්යක්ෂම මෙහෙයුම් ක්රියාවලියක් සඳහා ප්රමිතියෙන් යුත් ‘ස්ට්රැඩල් කැරියර්ස්’ මිලදී ගැනීමට කටයුතු කරන ලෙස ඉල්ලා සිටින බවත්, වරාය මුදල් කොට්ඨාසයීය ස්වාධීන සේවක සංගමය ජනාධිපති අනුර කුමාර දිසානායක වෙත ලිපියක් යොමුකර ඇත.
සුදුසුකම් සහ මාර්ගෝපදේශන නැවත නැවත ලිහිල් කරලා
මෙම ලිපිය යොමු කර ඇත්තේ ‘කොළඹ වරායේ නැගෙනහිර බහලු පර්යන්තයට අදාළව නැවත නිකුත් කරන ‘ස්ට්රැඩල් කැරියර්ස්’ ප්රසම්පාදන ක්රියාවලිය සහ ටෙන්ඩර් ප්රමිතිය නොගැළපීම’ යන ශිර්ෂය යටතේ වරාය මුදල් කොට්ඨාසයීය ස්වාධීන සේවක සංගමයේ සභාපති තරංග ජයසිංහ ගේ අස්සනින් යුතුව ය.
කොළඹ වරායේ නැගෙනහිර බහලු පර්යන්තයට ‘ස්ට්රැඩල් කැරියර්ස්’ මිලදීගැනීම සඳහා ටෙන්ඩර් කැඳවීමේදී සපුරාලිය යුතු සුදුසුකම් සහ මාර්ගෝපදේශන නැවත නැවත ලිහිල් කරමින් අවස්ථා පහක දී ටෙන්ඩර් කැඳවා ඇති බවත් එම පර්යන්තයේ ජංගම උපකරණවලින් ඉහළම ප්රාග්ධන ආයෝජනයක් වන ‘ස්ට්රැඩල් කැරියර්ස්’ යාත්රා ඵලදායිතාවය, නැංගුරම්පොළ කාර්යක්ෂමතාව සහ සමස්ත පර්යන්තයේ ධාරිතාව සඳහා සෘජුවම දායක වන බවත් එම ලිපියේ සඳහන් වේ.
ගැළපෙන උපකරණ මිලදී ගන්න
පස්වැනි ලංසු කැඳවීම තුළ ‘ස්ට්රැඩල් කැරියර්ස්’ සම්බන්ධව ලෝක මට්ටමේ සැපයුම්කරු සිටින්නේ යැයි දැනගන්නට ඇති බවත් පසුගිය වසර පහක් තුළ උපකරණ 15ක් හෝ ආසන්න සීමිත ප්රමාණයක අත්දැකීම් සහිත කණ්ඩායමකට ‘ස්ට්රැඩල් කැරියර්ස්’ 30ක පමණ ටෙන්ඩරය ප්රදානය කිරීම මේ අවස්ථාවේ දී ලබානොගත යුතු අවදානමක් බවත් එම සංගමය ජනාධිපතිවරයාට යොමුකළ ලිපියේ සඳහන් වේ.
වර්තමාන රජය බලයට පැමිණෙන්නේ දූෂණය සහ නාස්තිය නතර කරන බව සඳහන් කරමින් මෙන්ම වඩාත් ප්රමිතිගත ආයෝජන සහ පාරදෘශ්යභාවය සහිතව ආර්ථික තීරණ ගන්නා බව සඳහන් කරමින් බව කියන එම සංගමය ඒ අනුව කොළඹ වරායේ නැගෙනහිර පර්යන්තයට වර්තමාන ලෝකයේ ක්රියාත්මක හරිත වරාය සහ තිරසරභාවය යන සංකල්පලට ගැළපෙන උපකරණ මිලදී ගන්නා ලෙස ඉල්ලා සිටී.
ඉටු නොවූ අරමුණු
‘ස්ට්රැඩල් කැරියර්ස්’ නැගෙනහිර බහලු පර්යන්තයේ මෙහෙයුම්වලදී තීරණාත්මක කාර්යභාරයක් ඉටුකිරීම නිසා ඒවා මිලදී ගැනීමේ දී ජාත්යන්තරව පිළිගැණෙන නීති, නිර්ණායක සහ සුදුසුකම් සලකා බැලීම අත්යවශ්ය බව කියන වරාය මුදල් කොට්ඨාසයීය ස්වාධීන සේවක සංගමය ඒ සඳහා ලංසු කැඳවීමේ දී තරගකාරිත්වය වැඩි කිරීම යන පදනම මත ලිහිල් සුදුසුකම් සහ නිර්ණායක ඉදිරිපත් කර ඇතත් එම අරමුණ ඉටුවී නොමැති බව ද සඳහන් කරයි.
පළමු ටෙන්ඩරය එස්ටීඑස්. දොඹකර 12ක්, ඒආර්එම්ජී දොඹකර 40ක් සහ ‘ස්ට්රැඩල් කැරියර්ස්’ 30 ක් ලෙස නියමිත නිර්ණායකවලට අනුකූලව ද. දෙවැනි ටෙන්ඩරය කුලී ආකෘතිය යටතේ වසර 15ක කාලයට, තෙවැනි ටෙන්ඩරය කුලී ආකෘතියයටතේ අඩු කරන ලද සුදුසුකම් සහ නිර්නායක යටතේ, සිවුවැනි ටෙන්ඩරය ඉතිරි ‘ස්ට්රැඩල් කැරියර්ස්’ 15 සඳහා සහ පස්වැනි ටෙන්ඩරය දෙමුහුන් ‘ස්ට්රැඩල් කැරියර්ස්’ සඳහා කැඳවූ බවත් මෙම ටෙන්ඩර් ක්රියාවලිය වර්තමාන ආණ්ඩුව බලයට පත්වීමෙන් පසුව ක්රියාත්මක කළ බවත් එම සංගමය සඳහන් කරයි.
(lankadeepa - යොහාන් භාසුර)
