නිදහස් සෞඛ්ය සේවාවේ සහ වෛද්යවරුන්ගේ ගැටලු විසඳීමට සෞඛ්ය අමාත්යවරයා ලබා දුන් එකඟතා ක්රියාත්මක කිරීමට අසමත් වන්නේ නම් අඛණ්ඩ දීපව්යාප්ත වෘත්තීය ක්රියාමාර්ග මාලාවක්.
පසුගිය නොවැම්බර් මාසයේ දී ජනාධිපතිතුමා විසින් ඉදිරිපත් කරන ලද 2026 වර්ෂය සඳහා වන අයවැය යෝජනාවලිය තුළ, මෙරට සෞඛ්ය සේවයේ සහ වෛද්යවරුන් ගේ සැබෑ ගැටලු හඳුනාගනිමින් ඒවාට විසඳුම් ලබාදීම සඳහා අවශ්ය කෙටි කාලීන සහ දීර්ඝ කාලීන ප්රතිපත්ති හෝ ක්රියාමාර්ග කිසිවක් අන්තර්ගත නොවීම තුළ සෞඛ්ය පද්ධතිය සහ සෞඛ්ය සේවකයින් තුළ බරපතළ නොසන්සුන්තාවයක් සහ විරෝධතාවයක් ඇති වූ බව රජයේ වෛද්ය නිලධාරින්ගේ සංගමය (GMOA) සඳහන් කරයි.
එම සංගමය මේ බව සඳහන් කරන්නේ මාධ්ය නිවේදනයක් නිකුත් කරමිනි.
නිදහස් සෞඛ්ය සේවාවේ සහ වෛද්යවරුන්ගේ ගැටලු විසඳීමට සෞඛ්ය අමාත්යවරයා ලබා දුන් එකඟතා ක්රියාත්මක කිරීමට අසමත් වන්නේ නම් අඛණ්ඩ දීපව්යාප්ත වෘත්තීය ක්රියාමාර්ග මාලාවක් දියත් කිරීමට සිදුවන්නේ යැයි රජයේ වෛද්ය නිලධාරින්ගේ සංගමයේ ලේකම් වෛද්ය ප්රභාත් සුගතදාස ගේ අත්සනින් යුත් එම නිවේදනයේ වැඩි දුරටත් සඳහන් වේ.
මතු පළ වන්නේ රජයේ වෛද්ය නිලධාරින්ගේ සංගමය (GMOA) විසින් නික්තු කරන ලද සම්පූර්ණ නිවේදනය යි.
