පුවත්
බාලදක්ෂ කොමසාරිස් ලෙස නීතිඥ මනෝජ් නානායක්කාර පත්කරයි
ශ්රී ලංකා බාලදක්ෂ සංගමයේ නව ප්රධාන බාලදක්ෂ කොමසාරිස් ලෙස නීතිඥ මනෝජ් නානායක්කාර පත් කර ඇත.
1957 අංක 13 දරන බාලදක්ෂ පනතේ විධිවිධාන ප්රකාරව ජනාධිපති අනුර කුමාර දිසානායක විසින් මෙම පත් කිරීම සිදු කරන ලදී.
ඊට අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක විසින් අද (13) ජනාධිපති කාර්යාලයේ දී මනෝජ් නානායක්කාර වෙත භාර දෙන ලදි.
කනිෂ්ඨ බාලදක්ෂයෙකු ලෙස පන්නිපිටිය ක්රිස්තුරාජ විද්යාලයීය පළමුවන හෝමාගම බාලදක්ෂ කණ්ඩායමට 1989 වර්ෂයේ දී එක් වූ මනෝජ් නානායක්කාර දිසා කොමසාරිස්වරයෙකු, බාලදක්ෂ දිසා පුහුණු කිරීමේ මණ්ඩලයේ සභාපතිවරයෙකු ලෙස මෙන්ම ප්රධාන බාලදක්ෂ කොමසාරිස්වරයා ගේ නීති උපදේශක ලෙස කටයුතු කර ඇත.
ජාතික මට්ටමේ ප්රධාන බාලදක්ෂ වැඩසටහන් රැසක් මෙහෙයවා ඇති හෙතෙම ජාතික මානවක සමුළුවේ සංවිධායක කමිටු සාමාජිකයකු, ජාතික කබෝරියේ ජාතික සංවිධායක කමිටු සාමාජිකයකු යනාදි තනතුරු රැසක් දරමින් මෙරට බාලදක්ෂ ව්යාපාරය තුළ සුවිශේෂ මෙහෙවරක් ඉටු කර ඇත.
ජනාධිපති මාධ්ය අංශය
editor
newstube.lk වෙබ් අඩවියේ පළවන සියළු ප්රවෘත්ති සහ විශේෂාංග ආශ්රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්රතිචාර දැක්වීමට ඇති අයිතියට අපි ගරු කරමු.
ඔබගේ ප්රතිචාර
