කොටිකාවත්ත මුල්ලේරියාව ප්රාදේශීය සභාවේ හිටපු උප සභාපතිවරයෙකු වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවෙකු අත්අඩංගුවට ගත් බව බස්නාහිර පළාත දකුණ දිසා අපරාධ කොට්ඨාසය පවසයි.
මුල්ලේරියාව පොලිස් වසමේ මුල්ලේරියාව රෝහල ආසන්නයේදී 2022.08.02 වන දින මෙම ඝාතනය සිදුකර තිබුණි.
විමර්ශන නිලධාරීන්ට ලද තොරතුරකට අනුව ඉහත අපරාධය සඳහා සැකකරුවන් පැමිණි යතුරුපැදියේ පැදිකරු ලෙස ක්රියා කළ සැකකරුව මෙලෙස ඊයේ (25) අත්අඩංගුවට ගෙන ඇත.
ඒ, මාලඹේ පොලිස් වසමේ තලාහේන ප්රදේශයේදී ය.
සැකකරු අත්අඩංගුවට ගන්නා අවස්ථාවේදී ඔහු සතුව අයිස් මත්ද්රව්ය ග්රෑම් 05යි මිලිග්රෑම් 430ක් හා ව්යාජ විදේශ ගුවන්ගමන් බලපත්රයක් තිබී සොයාගත්බව පොලිසිය පවසයි.
සැකකරු වයස අවුරුදු 32ක් වන තලාහේන ප්රදේශයේ පදිංචිකරුවෙකි.
