අධික වර්ෂාව, ගංවතුර සහ නායයෑම් තත්ත්ව නිසා අති විශේෂ ගැසට් නිවේදනයක් නිවේදනයක් නිකුත් කරමින් ජනාධිපති අනුර කුමාර දිසානායක රට තුළ හදිසි තත්ත්වයක් ද ප්‍රකාශයට පත් කළේ ය.
විදෙස් ගතව සිටින ශ්‍රී ලාංකිකයන් ඇතුළු පිරිස්වලට මුදල් එවීම සඳහා මුදල් අමාත්‍යාංශය, විදේශ කටයුතු අමාත්‍යාංශය සහ ශ්‍රී ලංකා මහ බැංකුව බැංකු ගිණුම් කිහිපයක් ද මහජනතාව වෙත ඉදිරිපත් කර ඇත.
විදේශවල සහ ජාත්‍යන්තර ආයතනවල සහාය ලබාගන්නා බවත් ඒ සම්බන්ධයෙන් සාකච්ඡා පවත්වමින් සිටින බවත් අග්‍රාමාත්‍ය ආචාර්ය හරිනි අමරසූරිය සිකුරාදා ප්‍රකාශ කළාය.
අග්‍රාමාත්‍යවරිය සහ විදේශ අමාත්‍යවරයා, ඊයේ කොළඹ සිටින රාජ්‍ය තාන්ත්‍රිකයන් මුණ ගැසී රටේ වර්තමාන තත්ත්වය දැනුම් දුන් අතර අවශ්‍ය සහාය සම්බන්ධයෙන් ඔවුන් දැනුවත් කර තිබිණි.
ශ්‍රී ලංකාවට පැමිණ තිබෙන ගුවන් යානා රැගෙන යා හැකි INS වික්‍රාන්ත් නෞකාව සහ INS උදයගිරි නෞකාවේ තිබූ අත්‍යවශ්‍ය ද්‍රව්‍ය මෙරටට ලබාදුන් අතර INS වික්‍රාන්ත් නෞකාවේ ඇති හෙලිකොප්ටර් යානා දෙකක් ද මුදා ගැනීමේ මෙහෙයුම්වලට සහාය වීම සඳහා යෙදවීමට ඉන්දියාව පියවර ගත්තේ ය. ඊට අමතරව ඉන්දීය ගුවන් හමුදාවට අයත් ගුවන් යානා දෙකක් ද ආධාර රැගෙන ශ්‍රී ලංකාවට පැමිණියේ ය.
හදිසි ආපදා සහ සහන කටයුතු සඳහා සහ නැවත ගොඩනැගීමේ කටයුතු වෙනුවෙන් ඇමෙරිකා එක්සත් ජනපද ඩොලර් මිලියන දෙකක මුදලක් ලබාදෙන බව ශ්‍රී ලංකාවේ ඇමෙරිකානු තානාපති ජුලී චන්ග් එක්ස් (ට්විටර්) පණිවුඩයක් නිකුත් කරමින් සඳහන් කළා ය.
ඇමෙරිකා එක්සත් ජනපද ඩොලර් 50,000ක මුදලක් සහ ටූන් කෑන් 25,000ක් එවීමට පියවර ගන්නා බව මාලදිවයින නිවේදනයක් නිකුත් කරමින් සඳහන් කළ අතර සහාය පැමිණෙමින් තිබෙන චීනය සඳහන් කළේ ය.
