රුපියල් 5000 සිට ගෑස් මිල අඩු කර ඇත්තේ සියයට විස්සකටත් වඩා අඩු ප්‍රමාණයකින් බවත් එසේම මෙරට ඉන්ධන මිල අඩු වී ඇත්තේ ලෝක වෙළඳපොලේ ඉන්ධන මිල අඩු වීම නිසා මිස ජනාධිපති කල කිසිවක් නොමැති බවත් ජනතා විමුක්ති පෙරමුණේ හිටපු පාර්ලිමේන්තු මන්ත්‍රී වසන්ත සමරසිංහ පවසයි.
එසේම විදුලි බිල අඩු කළ යුතු බවත් එපමණක් නොව ජනතාව පීඩාවට පත් කරමින් පනවා ඇති බදු ද අඩුකල යුතු බවත් හිටපු මන්ත්‍රීවරයා සඳහන් කර සිටියි.
ජනතා විමුක්ති පෙරමුණේ හිටපු පාර්ලිමේන්තු මන්ත්‍රී වසන්ත සමරසිංහ මේ බව සඳහන් කර සිටියේ මාධ්‍ය හමුවකදී අදහස් දක්වමින්ය.
මෙවර මුළු රටටම අලුත් අවුරුද්දක් නැති බවත් උත්සව සැමරීම සඳහා නිදහස තිබිය යුතු බවත් ඔහු පවසයි.
එසේම මෙවර තම වෘත්තිය ක්‍රියාමාර්ග ගන්නේ ජනතාවට බාධාවක් නොවන ලෙස බවද හිටපු මන්ත්‍රීවරයා සඳහන් කර සිටියි.
