ආනයනය කළ පොහොර තොග රටපුරා බෙදා හැරීම තවත් කඩිනම් කරන ලෙස වැඩබලන ජනාධිපති රනිල් වික්‍රමසිංහ උපදෙස් නිකුත්කර ඇතැයි වාර්තා වෙයි .
කෘෂිකර්ම අමාත්‍යංශය වෙත වැඩබලන ජනාධිපතිවරයා මෙසේ උපදෙස් නිකුත්කර ඇති අතර බෙදාහැරීම් කටයුතු ප්‍රමාද කරවන කිසියම් හෝ ගැටලුවක් ඇත්නම් දැනුම්දෙන ලෙසත් එහිදී සඳහන් කර ඇති බවත් වාර්තා වෙයි .
පසුගියදා පොහොර මෙට්‍රික් ටොන් 40000ක් මෙරටට ආනයනය කළ අතර , එම පොහොර බෙදාහැරීමේ කටයුතු මේ වන විට සිදුවෙමින් පවතී.
එසේම තවත් පොහොර මෙට්‍රික් ටොන් 25000ක් ඇණවුම් කර ඇති බවත් , එම පොහොර තොගය නුදුරේදීම මෙරටට ලැබීමට නියමිත බවත් ආණ්ඩුවේ ආරංචි මාර්ග සඳහන් කරයි.
