ඉන්දීය විදේශ ලේකම් ශ්රී හර්ෂ් වර්ධන් ෂ්රිංග්ලා අද (02) මෙරටට පැමිණ ඇත.
ඒ මෙරට විදේශ අමාත්යංශයේ ලේකම් ජනනාත් කොළඹගේ ගේ ආරාධනයකට අනුව බවත් වාර්තා වෙයි.
එසේම ඉන්දීය විදේශ ලේකම්වරයා ජනාධිපති ගෝඨාභය රාජපක්ෂ , අගමැති මහින්ද රාජපක්ෂ සහ මුදල් ඇමති බැසිල් රාජපක්ෂ හමුවී සාකච්ඡා කිරීමට නියමිතව ඇති බවත් වාර්තා වෙයි.
එසේම ඔහු ත්රිකුණාමලය ඇතුළු ප්රදේශ කිහිපයක සංචාරය කිරීමට නියමිතව ඇති බවත් දැනගන්නට ඇත.
ත්රිකුණාමලය තෙල් ටැංකි යළිත් ඉන්දියාවට ?
කෙසේ වුවත් ඛනිජ තෙල් වෘත්තීය සමිති එකමුතුව අද (02) මාධ්ය හමුවක් පවත්වමින් ප්රකාශ කළේ, ත්රිකුණාමලය තෙල් ටැංකි සංකීර්ණය දීර්ඝකාලීනව ඉන්දියාවට පවරාදීමට රජය සැරසෙන නමුත් තමන් එම ප්රයත්නය පරාජය කරන බවය.
එසේම ඉන්දියානු විදේශ ලේකම්වරයා අද මෙරටට පැමිණෙන්නේ ද ඒ පිළිබඳ සාකච්ඡා කිරීමට බවත් එහිදී පැවසිණ.
ත්රිකුණාමලය තෙල් ටැංකි සංකීර්ණය ඉන්දියාවට පවරාදීමට එරෙහිව සංවිධාන කළ මාධ්ය හමුවට ඛනිජ තෙල් සංස්ථාවේ සියලු වෘත්තිය සමිති අද එක්ව සිටිමත් විශේෂය.
