තවත් කොරෝනා මරණ 71ක් ඊයේ දිනට (25) අදාළව සෞඛ්‍ය සේවා අධ්‍යක්ෂ ජනරාල් විසින් තහවුරු කර ඇති අතර ඊට අදාළ නිවේදනය රජයේ ප්‍රවෘත්ති අධ්‍යක්ෂ ජනරාල් විසින් අද (26) නිකුත්කර ඇත.
ඒ අනුව මෙරට කොරෝනා මරණ සංඛ්‍යාව 12680ක් දක්වා ඉහළ ගොස් තිබේ.
රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව, මියගිය පිරිස අතරින් 39 ක් කාන්තාවන් වන අතර ඉතිරි 32 පිරිමි ය.
වයස අවුරුදු 30 ට අඩු එක් කාන්තා ආසාදිතයෙකු ද ජීවිතක්ෂයට පත්වූවන් අතර සිටින අතර , අවුරුදු 30 – 59 ත් අතර වයසේ පසුවන ගණන 14 කි.
ඉතිරි ආසාදිතයින් 56 ම වයස අවුරුදු 60 සහ එම වයස් සීමාව ඉක්ම වූ වැඩිහිටියන් ය.
රජයේ ප්‍රවෘත්ති අධ්‍යක්ෂ ජනරාල් විසින් නිකුත්කළ නිවේදනය පහත දැක්වෙයි.
