අද (01) නිකුත් කළ කොවිඩ් – 19 මරණ පිළිබඳ වාර්තාව අනුව පුද්ගලයින් 215 දෙනෙකු ඊයේ (31) මරණයට පත්ව තිබේ.
ඒ අනුව කාන්තාවන් 100 දෙනෙකු සහ පිරිමි පුද්ගලයින් 115 දෙනෙකු මෙලෙස මරණයට පත්ව ඇත.
මියගිය පිරිස අතර අවුරුදු 30 – 59 ත් අතර වයසේ පසුවන ආසාදිතයින් 46 දෙනෙකු සිටින අතර ඉතිරි ආසාදිතයින් 167 දෙනා ම වයස අවුරුදු 60 සහ එම වයස් සීමාව ඉක්ම වූ වැඩිහිටියන් ය.
ඒ අනුව මෙරටින් නිල ලෙස නිවේදනය කර ඇති මියගිය කොවිඩ් ආසාදිත පුද්ගලයින්ගේ ගණන 9,400ක් දක්වා ඉහළ ගොස් ඇත.
ශ්රී ලංකාව මේ වනවිට ලෝකයේ වැඩිම ආසාදිතයින් වාර්තාවන රටවල් අතර 60 වන ස්ථානයේ පසුවේ.
එමෙන්ම වැඩිම දෛනික මරණ වාර්තාවන රටවල් අතර ශ්රී ලංකාව මේ වනවිට පසුවන්නේ 09වන ස්ථානයේය.
