Language Switcher

V2025

ජාතික රෝහලේ : වෛද්‍ය 27ක්, හෙද 105ක් සහ සුලු සේවක 133කට කොරෝනා !

කොළඹ ජාතික රෝහලේ වෛද්‍යවරුන් ඇතුලු සේවකයන් 265කට මේ වනවිට කොරෝනා ආසාදනය වී ඇති බව අද (18) පෙරවරුවේ නිකුත් කළ වාර්තාවන්ට අනුව තහවුරු වී ඇති බව මව්රට වෙබ් අඩවිය වාර්තා කරයි.

ඒ අනුව වෛද්‍යවරුන් 27ක්, හෙදහෙදියන් 105ක් සහ සුලු සේවකයන් 133ක් රෝගයට ගොදුරු වී ඇති බව අනාවරණය වී ඇත.

මීට අමරතව රෝගීන් 600කට අධික ප්‍රමාණයක් මේ වනවිට රෝහලේ ප්‍රතිකාර ලබමින් සිටින බවද දැනගන්නට තිබෙන බවත් එහි සඳහන් කර ඇත.

හෝමාගම වෛද්‍ය 07 යි හෙද 24 යි !

homagama h 1000pxතවද දෙරණ වෙබ් අඩවිය හෝමාගම රෝහලේ තත්ත්වය වාර්තා කර ඇති අතර ඒ පුවත අනුව හෝමාගම මූලික රෝහලේ වෛද්‍යවරුන් 7 දෙනෙක් ඇතුළු 24කට කොරෝනා වෛරසය ආසාදනය වී ඇතැයි එම රෝහලේ වෛද්‍ය අධිකාරි වෛද්‍ය ජනිත හෙට්ටිආරච්චි පවසයි.

ආසාදිතයින් අතර හෙද හෙදියන් 8 දෙනෙක් ,කාර්ය මණ්ඩලයේ 6 දෙනෙක් මෙන්ම ලිපිකරුවන් තිදෙනෙක්ද වන බව වෛද්‍ය අධිකාරිවරයා සඳහන් කර ඇත.

එම ආසාදිත පිරිස අතර දැඩි සත්කාර ඒකකයේ සේවය කරන වෛද්‍යවරුන් සිව්දෙනකු මෙන්ම සුළු සේවකයෙක් ද වන බව වෛද්‍ය අධිකාරිවරයා පවසා ඇති අතර ආසාදිත සුළු සේවකයන් දෙදෙනෙක් පමණක් හෝමාගම මූලික රෝහලේ ප්‍රතිකාර ලබන අතර වෛද්‍යවරුන්, හෙදියන් සහ අනෙකුත් අය නිවෙස්වල ප්‍රතිකාර ලබන බව වෛද්‍ය අධිකාරිවරයා වැඩිදුරටත් සඳහන් කර ඇත.