ඊසාන දිග බෙංගාල බොක්ක මුහුදු ප්රදේශයේ පැවති ගැඹුරු පීඩන අවපාතය මේ වනවිට සුළි කුණාටුවක් දක්වා වර්ධනය වී තිබේ.
‘යාස්’ නැමැති එම සුළි කුණාටුව අද දිනයේ චණ්ඩ සුළි කුණාටුවක් දක්වා වර්ධනය වී හෙට වන විට ඉතා චණ්ඩ සුළි කුණාටුවක් දක්වා වර්ධනය වනු ඇති බව කාලගුණ දත්තවල සඳහන් වේ.
තවද, බස්නාහිර, සබරගමුව, මධ්යම, වයඹ සහ දකුණු පළාත්වල විටින් විට ගිගුරුම් සහිත වැසි ඇතිවන අතර බස්නාහිර සහ සබරගමුව, වයඹ සහ දකුණු පළාත්වලත්, මහනුවර සහ නුවරඑළිය දිස්ත්රික්කවලත් ඇතැම් ස්ථානවලට මිලිමීටර 100ක, 150ක පමණ තද වැසි ඇතිවිය හැකි බව ද කාලගුණ විද්යා දෙපාර්තමේන්තුවේ අධ්යක්ෂ අතුල කරුණානායක පැවසීය.
එම නිසා මෙරට මුහුදු ප්රදේශවල සහ බෙංගාල බොක්ක මුහුදු ප්රදේශයේ නැවත දැනුම් දෙනතුරු ධීවර හා නාවුක කටයුතුවලින් වළකින්නැයි කාලගුණ විද්යා දෙපාර්තමේන්තුව එම ප්රජාවට දැනුම් දෙයි.
