පුත්තලම් දිස්ත්රික්කය නියෝජනය කරන පසුගියදා ආණ්ඩුවට පක්ෂව ඡන්දය ලබාදුන් පාර්ලිමේන්තු මන්ත්රී අලි සබ්රි රහීම්, සංචරණ සීමා පනවා ඇති කාලයේදී විවිධ පුද්ගලයන්ට ගමන් බිමන් යාම සඳහා සිය අත්සන යොදා අවසර පත් නිකුත් කර ඇතැයි වාර්තාවේ.
අත්යවශ්ය සේවා සඳහා ලබාදෙන අවසර පත්රය නමින් මන්ත්රීවරයා නිකුත් කරන අවසර පත්රවල පුත්තලම ජ්යෙෂ්ඨ පොලිස් අධිකාරීවරයාගේ ජංගම දුරකතන අංකය සහ නමද සඳහන් කරන අතර ඒවා ලබාගත් පුද්ගලයන් ඉකුත් දිනවල දිස්ත්රික් සීමා පැන වව්නියාවට පවා ගොස් ඇතැයිද වාර්තාවේ.
එම මන්ත්රීවරයා අවසර පත්ර නිකුත් කිරීම පිළිබඳව රාජ්ය නිලධාරීන් හෝ ආරක්ෂක අංශ හෝ දැනුවත් කර නැතැයිද පැවසේ.
මේ පිළිබඳව පුත්තලම නියෝජ්ය පොලිස්පති නිමල් පෙරේරා පවසන්නේ එය කිසිදු ලෙසකින් නීත්යානුකූල නොමැති බවත් එසේ ලබාදී ඇත්නම් ඒ සම්බන්ධයෙන් අදාළ කටයුතු කඩිනමින් කිරීමට සූදානම් බවත්ය.
ඒ පිළිබඳව පුත්තලම ජ්යෙෂ්ඨ පොලිස් අධිකාරී ජේ.ජී.එස්. ජයමහ පවසන්නේ අදාළ මන්ත්රීවරයා මෙම සංචරණ කාලසීමාවලදී ගමන් කළ හැකි පුද්ගලයන් පිළිබඳව තමන්ගෙන් දුරකථනයෙන් විමසා සිටි බවත් එහිදී කුඹුරුවලට හා තෝරා ගත් අනිකුත් කටයුතුවලට නිසි අවසරයකින් පමණක් ගමන් කළ හැකි බව තමන් දැනුම් දුන් බවයි.
එසේ නොමැතිව තමන් කිසිදු ලෙසකින් මේ සඳහා අවසරයක් හෝ දැනුම් දීමක් නොකළ බවද ඔහු පවසයි.
සංචරණ සීමා පනවා ඇති කාලයේදී අත්යවශ්ය සේවා සඳහා ගමන් කිරීමේ අවසර පත් නිකුත් කිරීමේ බලය දිස්ත්රික් හා ප්රාදේශීය ලේකම්වරුන්ට පමණක් හිමිවන අතර නීති රීති උල්ලංඝනය කරමින් ආණ්ඩුවේ දේශපාලන බලය උපයෝගී කරගෙන අලි සබ්රි රහීම් මන්ත්රීවරයා අවසර පත් නිකුත් කිරීම පිළිබඳව ප්රදේශයේ රාජ්ය නිලධාරීහු දැඩි අප්රසාදය පළකරති.
Lanka truth
