ගායන සහ රංගන ශිල්පිනියක වන සංජීවනී වීරසිංහට ඇමරිකාවේ උද්ඝෝෂණයේ නිරත ශ්‍රී ලාංකික ප්‍රජාව වෙතින් බරපතළ විරෝධයක් එල්ල වී ඇති බව වාර්තා වෙයි.
අදාළ උද්ඝෝෂණය සිදුකර ඇත්තේ අමරිකාවේ – ලොස් ඇන්ජලිස් නුවරදීය.
ඒ ශ්‍රී ලංකාවේ පවතින දූෂිත පාලනයට එරෙහිව එරට වෙසෙන ශ්‍රී ලාංකිකයින් පිරිසක් විසින් ය. මේ අවස්ථාව සඳහා එක්වීමට සංජීවනී වීරසිංහ පැමිණ ඇත. එහිදී විරෝධතාවය සඳහා එක්ව සිටි ජනතාව ඇයව එම ස්ථානයට ප්‍රතිකේෂ්ප කර ඇත.
ඊට හේතුව පසුගිය ජනාධිපතිවරණය අවස්ථාවේ සංජීවනී වීරසිංහ වත්මන් ජනාධිපති ගෝඨාභය රාජපක්ෂ බලයට ගෙන ඒම වෙනුවෙන් මිනිසුන් නොමග යැවූ අදහස් දක්වමින් කටයුතු කිරීම බවත් වාර්තා වෙයි.