නයිගර් රාජ්‍යයේ සන්නද්ධ කණ්ඩායමක් එල්ල කළ ප්‍රහාරයකින් පුද්ගලයින් 58 දෙනෙකු ජීවිතක්ෂයට පත්වඇතැයි වාර්තා වෙයි.
මාලි දේශසීමාව ආසන්නයේයි මෙම ප්‍රහාර එල්ල වී ඇති අතර, වාහන 04 කින් පැමිණි තුවක්කුකරුවන් පිරිසක් ටිලාබෙරි නම් ප්‍රදේශයේ රැඳී සිටි පුද්ගලයන් ඉලක්ක කරගනිමින් ප්‍රහාරය එල්ල කර තිබේ.
සිද්ධිය සම්බන්ධයෙන් කිසිඳු කණ්ඩායමක් මෙතෙක් වගකීම භාරගෙන නොමැති අතර, මේ වන විට නයිගර් රාජ්‍යයේ ජිහාඩ්වාදී කණ්ඩායම් දෙකක් ක්‍රියාත්මක වෙමින් පවතින බවයි විදෙස් මාධ්‍ය වාර්තා සඳහන් කරයි.
මෙම ඝාතන හේතුවෙන් රට තුළ දින 03ක ශෝක කාලයක් නිවේදනය කිරීමට නයිජර් පාලකයින් ක්‍රියාකර තිබේ.
