අධ්‍යාපනය සඳහා අඩු ම මුදලක් වෙන් කරන රටවල් අතරින් ශ්‍රී ලංකාව ලොව තුන්වන ස්ථානය ලබා ගෙන ඇති බව public finance වෙබ් අඩවිය සඳහන් කර තිබේ.
හයිටි රාජ්‍ය හා ලාඕසය ශ්‍රී ලංකාවට වඩා අඩුවෙන් අධ්‍යාපනයට වෙන් කරන බව ත් එම රටවල් මෙම ලැයිස්තුවේ අංක එක හා දෙක ස්ථාන ලබා ඇති බව ත් එම වෙබ් අඩවිය පෙන්වා දෙයි.
අධ්‍යාපනය වෙනුවෙන් දළ දේශීය නිෂ්පාදිතයෙන් වැඩි කොටසක් වියදම් කළ අවම සංවර්ධිත රටවල් ලෙස සියෙරා ලියොන්, මාලි, උගන්ඩාව හඳුන්වා ඇති අතර එම ප්‍රමාණය පිළිවෙලින් 8.8%, 4% සහ 2.6% ලෙස සටහන් වේ.
නමුත් ශ්‍රී ලංකාව අධ්‍යාපනය වෙනුවෙන් දළ දේශීය නිෂ්පාදිතයට සාපේක්ෂව වැය කරන්නේ 1.5% ක් බව ත් එය අඩු ම මුදලක් වැය කළ රටවල් අතරින් 3වන ස්ථානය හිමිකර ගන්නා බව ත් එම වෙබ් අඩවිය සඳහන් කරයි.
public finance වෙබ් අඩවිය සඳහන් කර ඇත්තේ, අධ්‍යාපනය සඳහා ආයෝජනය කිරීම ආර්ථික සංවර්ධනයට සහ මානව අභිවෘද්ධියට අත්‍යවශ්‍ය වන අතර ඊට අරමුදල් ලබා නොදීමෙන් රටකට දියුණුවක් බලාපොරොත්තු විය නොහැකි බව ය.
මානව ප්‍රාග්ධනය සහ ආර්ථික ප්‍රගතිය යන අංශ දෙක ම ශ්‍රී ලංකාවේ අනාගත තිරසාර සංවර්ධන ඉලක්ක සපුරා ගැනීමේදී අභියෝගවලට මුහුණ දිය හැකි බව එම වෙබ් අඩවිය වැඩිදුරට ත් පෙන්වා දී ඇත.
