ටෙන්ඩර් මගඩි ගැන කියමින් ව්යාපාරික තරග දේශපාලනය වෙනුවෙන් යොදාගන්නා පක්ෂ සංවිධාන සහ පුද්ගලයන්ට කදිම අවස්ථාවක් අමාත්ය මහින්ද අමරවීර ලබාදී ඇත.
ඒ යූරියා පොහොර ටෙන්ඩරය සම්බන්ධව අදහස් පළ කරන හා ඒ සම්බන්ධව උනන්දුවක් දක්වන ජනතා විමුක්ති පෙරමුණේ මන්ත්රීවරුන් මෙන්ම එම පක්ෂයේ වෘත්තිය සමිති නියෝජිතයින් සමග මෙන්ම වෙනත් පාර්ලිමේන්තු මන්ත්රීවරුන් සමග සාකච්ඡාවක් පැවැත්වීමය.
කෘෂිකර්ම වනජීවි හා වනසම්පත් සංරක්ෂණ අමාත්ය මහින්ද අමරවීර මෙම තීරණය ගෙන ඇති අතර ඒ අනුව අදාළ සාකච්ඡාව හෙට (11)දවල් 12.00 ට බත්තරමුල්ල කෘෂිකර්ම අමාත්යාංශයේ දී පැවැත්වීමට කටයුතු යොදා ඇති බව වාර්තා වෙයි.
යුරියා පොහොර මිල දී ගැනීමේ වැඩ පිළිවෙලේ අඩුපාඩු ඇත්නම් ඒවා හඳුනා ගැනීමටත් රටේ කෘෂි කර්මාන්තයේ උන්නතිය හා ගොවි ජනතාව වෙනුවෙන් සිදු කරන ජාතික මෙහෙවරක් ලෙස සලකා මෙම වැඩ පිළිවෙළට අදාලව අදහස් හා යෝජනා ඉදිරිපත් කරන ලෙසත් අමාත්යවරයා ඉල්ලා සිටී.
