ජනාධිපති රනිල් වික්රමසිංහ අද (19) උදෑසන හදිසියේම කොළඹ ජාතික රෝහල වෙත ගොස් හදිසි අනතුරකට ලක්ව ප්රතිකාර ලබන ප්රවීණ රංගන ශිල්පියකු වන ජැක්සන් ඇන්තනීගේ සුවදුක් විමසා ඇත.
රෝහල වෙත පැමිණි ජනාධිපතිවරයා ජැක්සන් ඇන්තනීගේ බිරිඳ, කුමාරි මුණසිංහ වෙත ජැක්සන් ඇන්තනී වෙත ඉක්මන් සුවය ප්රාර්ථනා කළ බවත් වාර්තා වෙයි.
එසේම ඔහුගේ ඉදිරි ප්රතිකාර කටයුතු සඳහා යම් උපකාරයක් අවශ්ය නම් වහාම තමන් දැනුවත් කරන ලෙස එහිදී දැනුම්දී ඇති බවත් වාර්තා වෙයි.
වෛද්ය ප්රතිකාර සේම ආගමික හා ආධ්යාත්මික ආශිර්වාදයද ඉතා වැදගත් බැවින් ජැක්සන් ඇන්තනීට සෙත් පතා ආගමික ආශිර්වාද වැඩසටහනක් දියත් කිරීමට කටයුතු කරන ලෙසද, ඊට සිය උපරීම සහාය ලබාදෙන බවද ජනාධිපතිවරයා එහිදී ඇන්තනී මහතාගේ පවුලේ සාමාජිකයින්ට ප්රකාශ කර ඇති බවත් වාර්තා වෙයි.
ඉන් අනතුරුව ජාතික රෝහලේ අධ්යක්ෂකවරයා හමුවූ ජනාධිපතිවරයා රෝහලේ අනෙකුත් රෝගීන්ට අවශ්ය, දැනට හිඟතාවය සහිත ඖෂධ කඩිනමින් සැපයීමට ක්රියාකරන බව පොරොන්දු වූ අතර දිවයින පුරා රෝහල් වල බෙහෙත් හිඟයෙන් පීඩාවට පත්ව සිටින රෝගීන්ගෙ ජීවිත සම්බන්ධයෙන් තමාට විශාල වගකීමක් ඇති බවද ප්රකාශ කර තිබේ.
රෝහලෙන් පිටතට පැමිණීමේදී ජනාධිපතිවරයා විසින් ප්රතිකාර ලබාගැනීම සඳහා පැමිණ සිටි රෝගීන්ගෙන්ද සුවදුක් විමසා සිටි බවද වාර්තා වෙයි.
