සහල් සඳහා පනවා තිබූ උපරිම සිල්ලර සහ තොග මිල ගණන්වලට අදාළ ගැසට් පත්ර අවලංගු කිරීමට ඊයේ (27) කැබිනට් මණ්ඩලය තීරණය කළ අතර ඒ සමග සහල් සඳහා නව සිල්ලර මිලක් නියම කිරීමට මහා පරිමාණ සහල් මෝල් හිමියන්ගේ සංගමය පියවර ගෙන තිබේ.
අද (28) පැවති මාධ්ය හමුවකට එක්වෙමින් එම සංගමයේ සභාපති, ඩඩ්ලි සිරිසේන මේ බව පැවසීය.
සහල් වර්ග තුනක් සඳහා මෙසේ නව සිල්ලර මිල නිවේදනය කර ඇත.
ඒ නාඩු සහල් කිලෝවක සිල්ලර මිල රු 115.00 ක්, සම්බා සහල් කිලෝවක සිල්ලර මිල රු 140.00ක් සහ කිරී සම්බා කිලෝවක සිල්ලර මිල රු 165.00 ක් වශයෙනි.
