අභාවප්රාප්ත ප්රවීණ ගායන ශිල්පිනී, ආචාර්ය නන්දා මාලිනීගේ දේහය පිළිබඳ අවසන් කටයුතු එළඹෙන සෙනසුරාදා (22) පස්වරුවේ බොරැල්ල පොදු සුසාන භූමියේදී සිදු කිරීමට නියමිත බව මහාචාර්ය සුනිල් ආරියරත්න සඳහන් කළේය.
ඒ අනුව, ඇගේ දේහය අද (21) උදෑසන10.00 සිට නාවල, විජයබා මාවතේ පිහිටි ඇගේ නිවසේ මහජන ගෞරවය සඳහා තැන්පත් කර තැබීමට නියමිතව තිබේ.
අනතුරුව සෙනසුරාදා (22) පස්වරු 3.30 ට ආගමික වතාවත් සිදු කිරීමෙන් පසු දේහය බොරැල්ල සුසාන භූමිය වෙත රැගෙන යාමට නියමිත අතර, අවසන් කටයුතු සවස 05 ට සිදු කිරීමට නියමිතයි.
ඇයගේ අවසන් කැමැත්ත වී ඇත්තේ කිසිදු රාජ්ය උත්සවයකින් හෝ විශේෂ අවමංගල්ය උත්සවයකින් තොරව සරලව අවසන් කටයුතු සිදු කිරීම බව පවුලේ ඥාතීන් සඳහන් කර තිබේ.
