ජීවත්වීමේ අයිතිය ඉල්ලා හාලිඇල නගරයේ උද්ඝෝෂණයක්!

ජීවත්වීමේ අයිතිය ඉල්ලා හාලිඇල නගරයේදී උද්ඝෝෂණයක් පැවැත්විණ.

ඒ, හාලිඇල සමගිජන බලවේගයේ ක්‍රියාකාරීන්ගේ සහ ප්‍රාදේශීය සභා මන්ත්‍රීවරුන්ගේ සහභාගිත්වයෙනි.

"ජීවත්වීමේ අයිතිය දෙනු" !

"ප්‍රජාතන්ත්‍රවාදය රැකගනිමු"!

"කථා කිරීමේ නිදහස දෙනු" !

ආදී සටන් පාඨ රැගත් විරෝධතාකරුවන් හාලිඇල පොළපිටියේ සිට පෙළපාලියකින් ප්‍රාදේශීය සභාව කරා පැමිණ නිහඬ විරෝධතාවයක නිරත ව්ය.

සජබ හාලිඇල ප්‍රධාන සංවිධායක මහාචාර්ය ප්‍රදීප් වීරසිංහ ගේ උපදෙස් මත මෙම විරෝධතාවය සංවිධානය කර තිබුනේ, හාලිඇල ප්‍රාදේශීය සභාවේ විපක්ෂ නායක ජයන්ත රත්තනායක විසිනි.