අප ගැන

සැකකරු සමග සංවිධානාත්මක අපරාධ කල්ලි සාමාජිකයින් බවට සැක කෙරෙන තවත් දෙදෙනකුද රැගෙන විත් ඇති අතර ඔවුන් ද එම කාර්යාංශය වෙත භාර දී ඇති බව සඳහන් වේ.
මෙලෙස මෙරටට රැගෙන ආ ශිරාන් බාසික් නැමැත්තා ජාත්‍යන්තර පොලීසිය මගින් රතු වරෙන්තු නිකුත් කළ පුද්ගලයෙකි. 48 හැවිරිදි ඔහු: දෙහිවල, කළුබෝවිල ප්‍රදේශයේ පදිංචිකරුවෙකි. සැකකරු 2018 වර්ෂයේ දී එක්සත් අරාබි එමීර් රාජ්‍යය වෙත ගොස් තිබුණි.

ඉකුත් ඉරාන - අමෙරිකා යුද්ධයේ දී, ඉරානය විසින් එක්සත් අරාබි එමීර් රාජ්‍යය වෙත පහරදීම සඳහා භාවිත කළ ඩ්‍රෝන යානා සහ මිසයිලවල ජායාරූප සහ වීඩියෝ දර්ශන තම ජංගම දුරකථනයේ තබා ගෙන සිටිය දී පසුගිය මැයි මස 26වෙනිදා ඩුබායි පොලිසිය ඔහුව අත්අඩංගුවට ගෙන ඇති බවයි සඳහන් වන්නේ.
ඔහු ඇතුළු සැකකරුවන් ඊයේ(14) රාත්‍රියේ අබුඩාබි නුවර සිට කටුනායක ගුවන්තොටුපොළ වෙත රැගෙන ආවේ ය.
මත්ද්‍රව්‍ය ජාවාරම් කිරීම, ගිනි අවි සන්තකයේ තබා ගැනීම, බරපතළ හා තියුණු ආයුධ සන්තකයේ තබා ගැනීම, නීති විරෝධී රැස්වීමක සාමාජිකයෙකු වීම සහ අනර්ථයක් / හානියන් සිදු කිරීම යන චෝදනා ගොනුව සැකකරුට විරුද්ධව පවතින බව පොලීසිය පැවසී ය.

එමෙන්ම සැකකරු මත්ද්‍රව්‍ය ජාවාරම් සහ අනෙකුත් සංවිධානාත්මක අපරාධ ක්‍රියාකාරකම් මගින් උපයාගෙන ඇති බවට සැක කෙරෙන නීති විරෝධී වත්කම් පිළිබඳව ද ඉදිරීයේ දී විමර්ශන සිදු කිරීමට නියමිත බව පොලීසිය සඳහන් කළේ ය.