අත්තනගල්ල ප්‍රාදේශීය ලේකම් කොට්ඨාසයේ වෙලගෙදර ගම්මානයේ හිමායා සෙව්වන්දි නමැති තරුණිය මාර්ගගත ක්‍රමයට ණය මාෆියාවට හසුවී සියදිවි නසා ගෙන ඇති බවත් මේ සම්බන්ධයෙන් රජය අවධානය යොමු කල යුතු බවත් විපක්ෂ නායක සජිත් ප්‍රේමදාස ඊයේ පාර්ලිමේන්තුවේ දී පැවසී ය.
මෙවැනි මාර්ගගත ණය ලබා දෙන අනීතික ආයතන රැසක් ඇති බවත් මේ සම්බන්ධයෙන් විධිමත් නීතියක් ක්‍රියාත්මක කළ යුතු බවත් තවත් ජිවිත නැති වෙන්න පෙර මේ ගැන සොයා බලා මෙය නැති කිරිමට රජය ගන්නා පියවර ඉදිරිපත් කරන ලෙස ඔහු ඉල්ලා සිටියේ ය.
