පුවත්

දිවයිනේ බොහෝ ප්‍රදේශවල දෙහි කිලෝවක සිල්ලර මිල රුපියල් 3,000 ක් දක්වා ඉහළ යාම නිසා ඇතැම් වෙළෙඳසල්වල දෙහි බෑයක් රුපියල් 50 ක් වැනි මිලකට අලෙවි කරන බව වෙළෙඳපොළ තොරතුරු සඳහන් කරයි.

දඹුල්ල, කැප්පෙටිපොළ ආදී ආර්ථික මධ්‍යස්ථානවල මේ දිනවල දෙහි කිලෝවක තොග මිල රුපියල් 1,900 ත් 2,000 ත් අතර මිලක් දක්වා ඉහළ ගොස් තිබේ.

මේ දිනවල දෙහි හිඟයක් පැවැතීම නිසා මෙලෙස දෙහි මිල ගණන් ඉහළ ගොස් ඇතැයි වෙළෙඳපොළ තොරතුරු සඳහන් කරයි.

දෙහි තොග මිල ගණන් ඉහළ යාම හේතුවෙන් බොහෝ දෙනකු පැඟිරි රහිත දෙහි ගැට පවා කඩා තොග වශයෙන් අලෙවි කරන බවද වෙළෙඳපොළ ආරංචිමාර්ග කියයි.

මෙලෙස වෙළෙඳපොළට ලැබෙන දෙහි ප්‍රමාණය සීමිත වීමත්, මිල අධික වීමත් හේතුවෙන් දෙහි ගෙඩිය දෙකට කපා බෑය අලෙවි කරන බව පැවැසේ.


(සාලිය කුමාර ගුණසේකර/ ප්‍රසංග පාවුළුහේවා - කටුනායක | aruna.lk)