ජනාධිපති වැය ශීර්ෂය යටතේ තනතුරු දෙකක් සඳහා වන වැටුප් මුදල් ලබා ගැනීමේ සිද්ධියක් සම්බන්ධයෙන් මධ්‍යම අපරාධ විමර්ශන කාර්යංශය විසින් අත්අඩංගුවට ගත්  හිටපු ජනාධිපති ගෝඨාභය රාජපක්ෂගේ පෞද්ගලික ලේකම් නව ජනතා පෙරමුණේ නායක සූගීෂ්වර බණ්ඩාර අගෝස්තු 25 දක්වා යළිත් රක්ෂිත බන්ධනාගාරගත කරන ලෙස කොළඹ අතිරේක  මහේස්ත්‍රාත් නුවන් කෞශල්‍ය  අද (12) නියෝග කළා.

මෙම වර්ෂය තුළදී කිසිදු අයුරකින් ජල ගාස්තු ඉහළ යාමක් සිදු නොවන බව නිවාස, ඉදිකිරීම් සහ ජල සම්පාදන අමාත්‍ය වෛද්‍ය එච්.එම්.සුසිල් රණසිංහ මහතා පවසයි.

ඇසළ පෙරහැර මංගල්‍යයත් සමඟ කලින් කලට මතු වන නව ප්‍රවණතා වලින් මිදීමට සියලු සැදැහැවතුන් කටයුතු කළ යුතු යැයි අස්ගිරි පාර්ශවයේ අනුනායක, කැළණිය විශ්ව විද්‍යාලයේ කුලපති පූජ්‍ය නාරම්පනාවේ ආනන්ද හිමියන් පවසති.

හලාවත මුන්නේශ්වරම් ශ්‍රී මහා භද්‍රකාලී මෑණියන්ගේ දේවස්ථානයේ වාර්ෂික නිකිණි උත්සවය මෙම මස 14 වෙනිදා සිට 28 වෙනිදා දක්වා එම දේවස්ථානයේ දී පැවැත්වේ.

ආචාර්ය ධර්මසේන පතිරාජ නිර්මාපිත තිර රචනා ත්‍රිත්වයේ ග්‍රන්ථ දොරට වැඩුමත්, සිංගප්පූරු ආසියානු සිනමා සංරක්‍ෂණාගාරයේ ප්‍රතිසංරක්‍ෂිත අහස් ගව්ව චිත්‍රපටයේ 4K ප්‍රදර්ශනයත් ජාතික චිත්‍රපට සංස්ථාවේ තරංගනී ශාලාවේදී අගෝස්තු 9වන ඉරිදා පස්වරුවේ පැවැත්විණි.

22වන සංශෝධනය පිළිබඳව ආණ්ඩු පක්ෂයේ කෙනකුගෙන් විමසුවහොත් ඔවුන් කිසිවකු, කිසිවක් නොදන්නා බව පවසන බව හොඳට ම විශ්වාස යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

මෙරට ප්‍රජාතන්ත්‍රවාදී රාමුව සීඝ්‍රයෙන් බිඳවැටෙමින් පැවතීම පිළිබඳව සමස්ත ශ්‍රී ලාංකික ජනතාව වෙත සිය දැඩි කනස්සල්ල පළ කර සිටින බව "දිනන දකුණ" සාමූහිකය සඳහන් කරයි.

ජනාධිපති ගෝඨාභය රාජපක්ෂ ගේ ධුර කාලයේ පළමු වසරට සාපේක්ෂව, ජනාධිපති අනුර කුමාර දිසානායක ගේ ධුර කාලයේ පළමු වසරේ දී රාජ්‍ය දෙපාර්තමේන්තුවල (ව්‍යවස්ථාපිත ආයතන හා රාජ්‍ය සංස්ථා ඇතුළුව) අමාත්‍ය මාරුවීම් සංඛ්‍යාව පස් ගුණයකින් පමණ අඩුවෙන් සිදු කර ඇතැයි ලංකා දත්ත පදනම (Lanka Data Foundation) සඳහන් කරයි.

ශ්‍රී ලංකා ආණ්ඩුක්‍රම ව්‍යවස්ථාවට 22 වෙනි සංශෝධනය ගැසට් කර ඇති බවත්, දිවි හිමියෙන් ප්‍රජාතන්ත්‍රවාදී නීත්‍යානුකූල රාමුවක් තුළ එම සංශෝධනය පරාජය කිරීමට කළ හැකි සෑම දෙයක්ම කරනකරන බවත් මහාචාර්ය ජී. එල්. පීරිස් පැවසී ය.

ක්‍රි.පූ තුන්වන සියවසේ අශෝක අධිරාජයා ඉදිකළ වර්තමාන යුනෙස්කෝ ලෝක උරුමයක් වන ඉන්දියාවේ මධ්‍ය ප්‍රදේශ් හි සාංචි පුදබිමට පසුගියදා පැමිණි (BRICKS) බ්‍රික්ස් රටවල නියෝජිතයෝ එහි පොහොසත් බෞද්ධ උරුම, ඓතිහාසික කතාන්දරවලින් සහ ගෘහ නිර්මාණ ශිල්ප දැක මවිතයට පත් වුහ.