කිරින්ද ධීවර වරායේ වැලි කැණීමේ ව්‍යාපෘතියක් කොරියානු සමාගමකට ලබාදී  රජයට රුපියල් කෝටි දෙකකට අධික පාඩුවක් කළේ යැයි කියන සිද්ධිය සම්බන්ධයෙන්  හිටපු ධීවර ඇමති රාජිත සේනාරත්නට මෙම මස 31 වන දින අධි චෝදනා ගොනු  කරන බව  අල්ලස් කොමිසම  වෙනුවෙන් අධිකරණයේ පෙනී සිටි සහකාර නිතී අධ්‍යක්‍ෂක සුලෝචනා හෙට්ටිආරච්චි   අද(28)  කොළඹ ප්‍රධාන මහේස්ත්‍රාත් අසංග එස් බෝදරගම හමුවේ දැන්වූවා.

මහජන ආරක්ෂක සහ පාර්ලිමේන්තු කටයුතු නියෝජ්‍ය ඇමති සුනිල් වටගල ගේ නම සම්බන්ධ කරමින් පුරාවස්තු වටිනාකමින් යුත් හනුමාන් දෙවියන් ගේ මැණික් හා රත්තරන්න සහිත ලෝහමය පිළිමයක් ඉන්දියාවට අලෙවි කරනවා යැයි පවසමින් පුද්ගලයින් ගෙන් කෝටි ගණනින් මුදල් වංචා කිරීමට තැත් කළ  සැකකරුවන් දෙදෙනෙකු ලබන 05 දින දක්වා රක්ෂිත බන්ධනාගාර ගත කිරීමට කොටුව මහේස්ත්‍රාත් පසන් අමරසේන  නියෝග කළේ ය.

විදේශ දුම්වැටි 9000ක් සන්තකයේ තබා ගත් චීන ජාතිකයාට රුපියල් ලක්ෂයක දඩ මුදලක් ගෙවන ලෙස කොටුව මහේස්ත්‍රාත් පසන් අමරසේන අද නියෝග කළේ ය.

පේරාදෙණිය ශික්ෂණ රෝහලේ 2027 වසර සඳහා මුලුතැන්ගේ ආහාර පිසීමට අවශ්‍ය ආහාර ද්‍රව්‍ය ලබා ගැනීමට අදාළ ටෙන්ඩර් ඉදිරිපත් කිරීම සඳහා මිල ගණන් කැඳවීමේ දී පැමිණිලිකරුට එම ටෙන්ඩරය ලබා ගැනීමට හැකි වන පරිදි සැකකරු විසින් ඔහු ගේ පියා ගේ හා මාමා ගේ නමින් මිල ගණන් ඉදිරිපත් කිරීමට ලබා ගෙන ඇති අයදුම්පත් ඉදිරිපත් නොකර සිටීමට මුලින් ලක්ෂ 30 ක මුදලක් අල්ලස් ලෙස ඉල්ලා,

රජය කිසිදු ආර්ථික ලාභයක් හෝ කර්මාන්තමය වාසියක් ජනතාව ගේ සෞඛ්‍යයට වඩා ඉහළින් නොතබන බව ජනමාධ්‍ය හා සෞඛ්‍ය අමාත්‍ය නලින්ද ජයතිස්ස පැවසී ය.

ජීවිත රැසක් සුරක්ෂිත කිරීමේ උදාර මෙහෙවරක නිරත වන 1990 සුවසැරිය පදනමට වසර දහයක් සපිරීම නිමිත්තෙන් සංවිධානය කරන ලද ප්‍රථම මහා ලේ දන් දීමේ කඳවුර පසුගියදා කොළඹ 07, අංක 43, හෝර්ටන් පෙදෙසේ පිහිටි සුවසැරිය ප්‍රධාන කාර්යාල පරිශ්‍රයේ දී පැවැත්විණි. 

ඊයේ මීගමුව ප්‍රධාන බස් නැවතුම්පොළ තුළ සිදු කර පරික්ෂාවක දී විෂ මත්ද්‍රව්‍ය භාවිත කර සිටි රියදුරන් සහ කොන්දොස්තතරවරුන් හත් දෙනෙකු අත්අඩංගුවට ගෙන අද (28) අධිකරණයට ඉදිරිපත් කළේ ය.

ජාතික ජන බලවේගයේ  පාර්ලිමේන්තු මන්ත්‍රී අසිත නිරෝෂණ පසුගියදා පාර්ලිමේන්තුවේ දී තමන්ට එරෙහිව කළ චෝදනාව පාර්ලිමේන්තුවෙන් පිටතදී සිදු කළහොත් ඔහුට එරෙහිව අනිවාර්යයෙන් ම නීතිමය ක්‍රියාමාර්ග ගන්නා බව ශ්‍රී ලංකා නීතිඥ සංගමයේ රජීව් අමරසූරිය ප්‍රකාශ කර ඇත.

අල්ලස් සිද්ධියක් සම්බන්ධයෙන් අත්අඩංගුවට ගෙන රිමාන්ඩ් භාරයේ රදවා සිටි හිටපු අධිකරණ අමාත්‍ය විජයදාස රජපක්ෂගේ පුත් නීතීඥ රඛිත රාජපක්ෂ, සමගි ජන බලවේගයේ හිටපු හොරණ ආසන සංවිධායක ලෙස කටයුතු කළ චරිත් අබේසිංහ සහ සිවිල් ගුවන්සේවා අධිකාරියේ හිටපු අධ්‍යක්ෂකවරයෙකු වන අරුණ වරුණහැන්දිගේ යන තිදෙනාම ඇප මත මුදාහැරීමට කොළඹ ප්‍රධාන මහෙස්ත්‍රාත් අධිකරණය අද (28) නියෝග කළා.

පාස්කු ඉරුදින ත්‍රස්ත ප්‍රහාර සිද්ධිය සම්බන්ධයෙන් සිදුකරන විමර්ශනවලට අදාළව තමන්ව ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීම අභියෝගයට ලක් කරමින් රාජ්‍ය බුද්ධි සේවයේ හිටපු ප්‍රධානී සුරේෂ් සලේ විසින් ඉදිරිපත් කරන ලද පෙත්සම ඊයේ (27) අභියාචනාධිකරණය හමුවේ යළි සලකා බැලී ය.