BMW මෝටර් රථ ආනයනයට අදාළ රේගු ආදායම් අහිමිවීමක් සම්බන්ධයෙන් පැවැත්වෙන විමර්ශනයකට බාධා කළ බවට චෝදනා කරමින් විනිවිද පදනම විසින් ශ්‍රී ලංකා නීතිඥ සංගමයේ වත්මන් සභාපති රජීව්‍ අමරසූරියට එරෙහිව අල්ලස් හෝ දූෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කර ඇත.

රජය විසින් ගැසට් කරන ලද 2023 අංක 9 දරන දූෂණ විරෝධී පනතේ 149 වගන්තිය යටතේ වන ඇප සම්බන්ධයෙන් වන යෝජිත සංශෝධන පිළිබඳ ෆ්‍රී ලෝයර්ස් සංවිධානය සිය දැඩි කණස්සල්ල පළ කර ඇත.

පාරිභෝගික අයිතීන් සුරැකීමේ ජාතික ව්‍යාපාරය විසින් පසුගිය මාස කිහිපය ඇතුළත කරන ලද සොයා බැලීම්වලින් බලපත්‍ර නොමැති සහ අනීතික ලෙස බලපත්‍ර ලබා ගත් සුරාසැල් රටපුරා ඇති බව තහවුරු කැගෙන ඇතැයි එම සංවිධානය සඳහන් කරයි.

ශ්‍රේෂ්ඨාධිකරණයේ සහ අභියාචනාධිකරණයේ විනිසුරුවරුන් කියන්නේ සමාජයක විශේෂම කොටසක්. එහෙම වෙන්නේ සමාජය පිළිබද විනිශ්චයක් ලබාදෙන සමාජය සදාචාරාත්මක ලෙස හසුරුවන පිරිසක්වීම නිසයි.

නොතීසියක් ලද විට කොළඹ මහාධිකරණය හමුවේ පෙනී සිටින ලෙස හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂට සහ හිටපු නාවික හමුදාපති වසන්ත කරන්නාගොඩට කොළඹ මහේස්ත්‍රාත් අධිකරණය නියම කළේ ය.

ශ්‍රී ලංකාවේ ජනමත විචාරණයක් පැවැත්වීම සඳහා රුපියල් බිලියනයකට ආසන්න  මුදලක් වැය වන අතර එවැනි ජනමත විචාරණයක් සංවිධානය කිරීම සඳහා මැතිවරණ කොමිසමට සාමාන්‍යයෙන් මාස දෙකත් දෙකහමාරත් අතර කාලයක් අවශ්‍ය වන බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි පවසයි.

විනිසුරුවරුන්ගේ විශ්‍රාම වයස දීර්ඝ කිරීම සම්බන්ධයෙන් සංකල්ප පත්‍රිකාවක් තමන් වෙත නොලැබුණු බවත්, එවැනි කැබිනට් පත්‍රිකාවක් තමන් සකස් නොකළ බවත් අධිකරණ සහ ජාතික ඒකාබද්ධතා අමාත්‍යාංශයේ ලේකම් ජනාධිපති නීතිඥ අයේෂා ජිනසේන මෙනවිය පසුගිය දිනක ජාතික පුවත්පතකට ප්‍රකාශයක් සිදුකර තිබුණ බවත්,

මෙම ප්‍රකාශය තුළ පැහැදිලි වන්නේ එවැනි කැබිනට් පත්‍රිකාවක් කැබිනට් මණ්ඩලය වෙත ඉදිරිපත් වූයේ අදාළ රේඛීය අමාත්‍යාංශය මැදිහත්ව සකස් නොකර වෙනත් පාර්ශවයක් විසින් සකස් කරන ලද්දක් බවට සාධාරණ සැකයක් මතුවනු ඇතැයි දිනන දකුණ සාමූහිකය සඳහන් කරයි.

වහාම වී ගොවියාගේ අස්වනුවලට සාධාර්ණ මිලක් ලබාදීමට රජය කටයුතු කලයුතු බව ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

නඩු ප්‍රමාදය හේතුවෙන් ශ්‍රී ලංකාවේ අධිකරණ පද්ධතිය තුළ මේ වනවිට ගොඩගැසී ඇති මුළු නඩු සංඛ්‍යාව මිලියන 1.1 කට වඩා අධික බව අධිකරණ අමාත්‍යාංශයේ දත්ත වාර්තා පෙන්වා දී තිබෙන අතර එම නඩු ප්‍රමාණයට සාපේක්ෂව විනිසුරු පුරප්පාඩු සම්පූර්ණ කර නොමැතිවීමත්, නීතිපති දෙපාර්තමේන්තුවේ නීති නිලධාරීන් සංඛ්‍යාව ප්‍රමාණවත් නොවීමත්, රජයේ රසපරීක්ෂක වාර්තා, රජයේ තක්සේරු වාර්තා ප්‍රමාදවීමත් මෙම නඩු ප්‍රමාදයට හේතුවක් බව පැහැදිලිව පෙනෙන්නට තිබෙන බව දන්වමින් විපක්ෂ නායකවරයා ප්‍රමුඛ විපක්ෂයේ පාර්ලිමේන්තු කණ්ඩායම කතානායකවරයා වෙත ලිපියක් යොමු කර ඇත.

දෙමළ සහ මුස්ලිම් දේශපාලන පක්ෂ 06ක් එක්ව පිහිටුවා ගත් එකමුතුවේ නියෝජිතයින් සහ ජනාධිපති අනුර කුමාර දිසානායක අතර හමුවක් ඊයේ (03) ජනාධිපති කාර්යාලයේ දී පැවැත්විණි.