‘‘දැනට මෙරට භාවිත වාහන ප්‍රමාණයෙන් විද්‍යුත් වාහන ප්‍රතිශතය සියයට එකයි. ඒක යම් ප්‍රමාණයකින් වැඩිකරලා ඒවා ආරෝපනය කරන්න පුනර්ජනනීය බලශක්තිය භාවිත කරන්න හැකි නම් පොසිල ඉන්ධන සඳහා වියදම් වන රුපියල් බිලියන ගණනක් ඉතිරි කරන්න පුළුවන්. ඒ වගේම අපේ රටේ පුනර්නනීය බලශක්ති විභවතාව ඉහළින්ම ප්‍රයෝජනයට ගන්නත් අවසානයේ දී ආර්ථිකයට ඉහළ දායකත්වයත් ලබාදෙන්නත් පුලුවන්” යැයි බලශක්ති අමාත්‍ය අනුර කරුණාතිලක ප්‍රකාශ කර සිටියේ ය. 

අවලෝකිතේශ්වර නාමයෙන් පෙනී සිටිමින් බුදු දහමට අපහාස කළේ යැයි චෝදනා එල්ල වූ මහින්ද කොඩිතුවක්කු නැමැත්තා  සම්බන්ධයෙන් නීතිපති උපදෙස් සඳහා නඩුව ලබන නොවැම්බර් මස 11 තෙක් කල් තබන ලෙස කොටුව මහේස්ත්‍රාත් පසන් අමරසේන අද (17) නියෝග කළේ ය.

අන්තර්ජාලය හරහා නීති විරෝධී ක්‍රියා සිදු කරන බවට සැක පිට කොල්ලුපිටිය පොලිසිය විසින් අත්අඩංගුවට ගෙන අධිකරණයට ඉදිරිපත් කළ විදේශ ජාතිකයන් 49 දෙනා අතරින් 15 දෙනෙක් මෙම නඩුවෙන් මුදා හරින ලෙස කොටුව මහේස්ත්‍රාත් පසන් අමරසේන අද (17) නියෝග කළේ ය.

සිරිල් ගාමිණි පියතුමා විසින් සූම් තාක්ෂණය ඔසසේ සිදු කරන ලද සාකච්ඡාවක දී පාස්කු ඉරු දින ප්‍රහාරය මෙරට බුද්ධි අංශ විසින් සිදු කරන ලද්දක් බවට ආඛ්‍යානයක් නිර්මාණය කර,

විදේශ කටයුතු, විදේශ රැකියා සහ සංචාරක අමාත්‍යාංශය, 2026 ජුනි 12 වැනි දින, විදේශ අමාත්‍යාංශ පරිශ්‍රයේදී, ශ්‍රී ලංකා-EXPO 2027 පිළිබඳ රාජ්‍යතාන්ත්‍රික ප්‍රජාව දැනුවත් කිරීමේ සාකච්ඡාවක් පැවැත්වීය.

ශ්‍රී ලංකා ආණ්ඩුක්‍රම ව්‍යවස්ථාව මගින් සහතික කර ඇති පුරවැසියා ගේ භාෂණයේ නිදහස සහ අදහස් ප්‍රකාශ කිරීමේ නිදහස බරපතළ ලෙස සීමා කරන්නට: විමල් වීරවංශ, උදය ගම්මන්පිල, දිලිත් ජයවීර, මහින්ද පතිරණ, අසංක නවරත්න, සුගීශ්වර බණ්ඩාර යන පුරවැසි භාෂකයින්ට එරෙහිව පොලිසිය සහ අපරාධ පරීක්ෂණ දෙපාර්තමේන්තුව (CID) කටයුතු කරන ආකාරය පිළිබඳව දිනන දකුණ සාමූහිකය තම දැඩි පිළිකුල සහ විරෝධය ප්‍රකාශ කර සිටින බව එම සාමූහිකය සඳහන් කරයි.

සීනි සමාගම, ශ්‍රී ලංකන්, රූපවාහිනිය, ගුවන් විදුලිය, විදුලිබල මණ්ඩලය, ගොවිජන රක්ෂණ මණ්ඩලය, රාජ්‍ය සංවර්ධන හා නිර්මාණ නීතිගත සංස්ථාව, වැවිලි සංස්ථාව, ජනවසම, සතොස, ධීවර වරාය නීතිගත සංස්ථාව රටේ බදු මුදල් ගිලින බවත්, මේ වන විට භාණ්ඩාගාරය හිස් කරමින්, වර්ධනය වෙමින් පවතින ආර්ථික අර්බුදයට එක් ප්‍රධානතම හේතුවක් වන්නේ, රාජ්‍ය ව්‍යවසාය කළමනාකරණයේ දී රාජ්‍යය දක්වන අසමත් කළමනාකරණ යැයි ශ්‍රී ලංකා මානව හිමිකම් කේන්ද්‍රයෙහි විධායක අධ්‍යක්ෂ රජිත් කිර්ති තෙන්නකෝන් සඳහන් කරයි.

මානව හිමිකම් කොමිසම විසින් අද දහවල් 2 අපරාධ පරීක්ෂණ දෙපාර්තමේන්තුව එහි කැඳවා ඇත. ඒ සුරේෂ් සලේ බිරිඳ මනෝරි සලේ සිදු කළ පැමිණිල්ලක් සම්බන්ධයෙන් විමසීම සඳහා ය.

2009 වසරේ සිට මේ දක්වා කාලසීමාවේ ගල් අඟුරු ආනයනයේ දී සිදු වු බව කියන අක්‍රමිකතා පිළිබඳ විමර්ශනය කිරීම සඳහා පත් කළ ජනාධිපති කොමිෂන් සභාවේ ලේකම් ඩී. වී. බන්දුලසේන ඇතුළු විමර්ශන නිලධාරීහු පසුගිය 14වන දා නොරොච්චෝලේ ලක්විජය බලාගාරයේ නිරීක්ෂණ චාරිකාවකට එක් වූහ.

පාස්කු ඉරුදින ත්‍රස්ත ප්‍රහාරය සම්බන්ධයෙන් සිදු කරන විමර්ශනවලට අදාළව, තමන්ව ත්‍රස්තවාදය වැළැක්වීමේ පනත යටතේ අත්අඩංගුවට ගැනීම වළක්වාලන නියෝගයක් නිකුත් කරන්නැයි ඉල්ලා හිටපු ජනාධිපති ගෝඨාභය රාජපක්ෂ විසින් අභියාචනාධිකරණයට පෙත්සමක් ඉදිරිපත් කර තිබෙනවා.