විදර්ශන ප්‍රකාශන ආයතනය විසින් සංවිධානය කරනු ලබන විදර්ශන සාහිත්‍ය ත්‍යාගය 2026 සඳහා නිර්දේශිත කෙටිකතා දිගු ලැයිස්තුව නිකුත් කර ඇත.

2025/2026 අධ්‍ය­යන වර්ෂ­යන්ට අදා­ළව සිසුන් තෝරා ගැනීම සඳහා විශ්ව­වි­ද්‍යාල ප්‍රවේශ කඩ­ඉම් ලකුණු ලබන මස මුල් සතියේ ප්‍රකාශයට පත් කරන බව විශ්ව විද්‍යාල ප්‍රතිපාදන කොමිෂන් සභාව සඳහන් සඳහන් කරයි.

පළාත් සභා මැතිවරණය සඳහා ක්‍රමවේදයක් තෝරාගැනීම සඳහා වූ  පාර්ලිමේන්තු තේරීම් කාරක සභාව වෙත සාධාරණ සමාජයක් සඳහා වන ජාතික ව්‍යාපාරය යෝජනා 03ක් ඉදිරිපත් කර ඇති බවත්, එමගින් සාධාරණ සමාජයක් සඳහා වන ජාතික ව්‍යාපාරය අපේක්ෂා කරන්නේ පළාත් සභාවල කාන්තා හා තරුණ නියෝජන සහතික කිරීම සඳහා සිදුකරන යෝජනා සැලකිල්ලට ගනිමින් වඩාත් ප්‍රායෝගිකව අදාළ යෝජනා යථාර්ථයක් කරලීමට අවශ්‍ය පියවර ගන්නා අතර පළාත් සභා මැතිවරණය නොපමාව පැවැත්වීමට හැකි ආකාරය පෙන්වා දීම යැයි සාධාරණ සමාජයක් සඳහා වන ජාතික ව්‍යාපාරය සදහන් කරයි.

මහනුවර රදගුරු අතිඋතුම් ආචාර්ය වැලන්ස් මෙන්ඩිස් හිමිපාණන් විසින් රචිත “Out of the Depths – A Collection of Articles” ග්‍රන්ථය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ ප්‍රධානත්වයෙන් පසුගිය දා කොළඹ 07, ග්‍රෑන්ඩ් මෙට්ලන්ඩ් හෝටලයේදී එළිදැක්වූයේ ය.

විදර්ශන ප්‍රකාශන ආයතනය විසින් සංවිධානය කරනු ලබන විදර්ශන සාහිත්‍ය ත්‍යාගය 2026 සඳහා නිර්දේශිත නවකතා දිගු ලැයිස්තුව නිකුත් කර ඇත.

ගම්පොළ උඩ පලාත ප්‍රාදේශීය ලේකම් කාර්යාලයේ කල් ඉකුත් වූ ද්‍රව්‍ය තිබෙනවා යැයි කියමින් මාධ්‍ය සංදර්ශනයක් නිර්මාණය කිරීම සඳහා මහනුවර දිසාපතිවරයා ගේ නියමයෙන් පැමිණ, ආහාර ද්‍රව්‍ය කිහිපයක් රැගෙන ගිය අභ්‍යන්තර විගණන නිලධාරීහු එලෙස රැගෙන ගිය දෑ පසුගිය 10වන දා නැවත පැමිණ ප්‍රාදේශීය ලේකම් කාර්යාලයට බාරදුන්හ.

නිවැරදි රසායනාගාර වාර්තාවක් මගින් රෝග විනිශ්චය, සංකූලතා වැළැක්වීම, ප්‍රතිකාර නිරීක්ෂණය සහ ජීවිත බේරාගැනීම සිදු වන බැවින් සායනික රසායනාගාරය යනු සරල උපකාරක සේවාවක් නොව, රෝගී සත්කාරයේ ප්‍රධානතම කුලුනක් යැයි සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස පැවසී ය.

ප්‍රවීණ නාට්‍ය අධ්‍යක්ෂවරයකු වන මහේෂ් කුමාර ගේ නවතම නාට්‍ය නිර්මාණය වන Heart Play (හද නළුව) ජූලි 13වන දා සවස 06ට කොළඹ බණ්ඩාරනායක සම්මන්ත්‍රණ ශාලා පරිශ්‍රයෙහි පිහිටි කමත රඟහලේ දී රඟ දැක්වේ.

කොස්ලන්ද, හල්දුම්මුල්ල - හල්දුම්මුල්ල ප්‍රාදේශීය ලේකම් කොට්ඨාසයේ කොස්ලන්ද ප්‍රදේශයේ පිහිටි ප්‍රමුඛතම අපනයන ආයතනයක් වන Yani Lanka (Pvt) Ltd. වෙත පිවිසෙන එකම ප්‍රවේශ මාර්ගය, කිසිදු පූර්ව දැනුම්දීමක් හෝ ආයතනය සමග සාකච්ඡාවක් නොමැතිව, හඳුනා නොගත් කොන්ත්‍රාත්කරුවකු මාර්ග අලුත්වැඩියා කටයුතු ආරම්භ කිරීමත් සමග වසා දැමීම පිළිබඳව ආයතනය දැඩි කනස්සල්ල පළ කරයි.

විනිසුරු පසන් අමරසේන අධිකරණ සේවා සංගමයෙන් ඉල්ලා අස්වෙමින් ඊයේ සංගමයේ සාමාජිකයින් වෙත ලිපියක් යොමු කර ඇත.