ක්‍රිකට් ඉතිහාසයේ බිහිවූ විශිෂ්ටතම තුන්ඉරියව් ක්‍රීඩකයා ලෙසින් සැලකෙන ශ්‍රීමත් ගාෆීල්ඩ් සෝබර්ස් (ගාෆීල්ඩ් සෙන්ට් ඔබ්‍රන් සෝබර්ස්) වසර 89ක් ආයු වළඳා 2026 ජූලි 17 වැනිදා අභාවප්‍රාප්ත විය. බාබඩෝස් හි ශාන්ත මයිකල් කලාපයට අයත් හයිගේට් ගාඩ්න්ස් හි පිහිටි සිය නිවසේ දී ඔහු සාමකාමීව අවසන් හුස්ම හෙළා ඇත.

ජේ.ඩී.ඒ. පෙරේරා කලාගාරය පිහිටි ගොඩනැගිල්ල තුළ  හේවුඩ්  කලා කෞතුකාගාරය නමින්  අභිනවයෙන් පිහිටුවා ඇති කෞතුකාගාරය සහ එය නිමිති කර ගනිමින් නොබෝදා ඉංග්‍රීසි මාධ්‍යයෙන් ප්‍රසිද්ධ කරන ලද Heywood Art Museum යන ග්‍රන්ථය මුළුමනින්ම ප්‍රෝඩාවක් මෙන් ම විශ්වවිද්‍යාල ශාස්ත්‍රීය සම්ප්‍රදාය සහ රාජ්‍ය දේපළ  අවභාවිතාවක්  බවට සාක්ෂි සහිතව මාධ්‍ය වෙත හෙළිදරව් කිරීම මූලික කරගනිමින් පැවැත්වෙන මාධ්‍ය සාකච්ඡාවක් ජූලි 18වන දා සවස 01.00 බෙරැල්ල කොටා පාරේ පිහිටි ආචාර්ය ඇන්. ඇම්. පෙරේරා මධ්‍යස්ථානයේ දී පැවැත්වේ.

කොල්ලු පිටිය ප්‍රදේශයේ දී පොලිස් නිලධාරියකු බව හඟවමින් චීන ජාතිකයකු පරීක්ෂා කිරීමට ගොස් ඔහු ගේ වාහනයේ තිබූ කෝටි දෙකක් පැහැරගෙන ගිය පුද්ගලයා දින හතක් රඳවා ප්‍රශ්න කිරීමට කොටුව මහේස්ත්‍රාත් පසන් අමරසේන අද (16) කොල්ලපිටිය  පොලිසියට අවසර ලබා දී ඇත.

බදුල්ල ප්‍රදේශයේ දී  කොතලාවල ආරක්ෂක විශ්වවිද්‍යාලයේ සිසුන් පිරිසක් ගමන් ගත් බස් රථයක් අනතුරට ලක්ව සිසුන් තුන්දෙනකු  මරණයට පත්වීමේ සිද්ධිය තුළින් සිය මූලික මිනිස් අයිතිවාසිකම් උල්ලංඝනය වී ඇති බවත්, ඒ වෙනුවෙන් වන්දි ගෙවන ලෙස නියෝගයක් නිකුත් කරන්නැයි ඉල්ලා මරණයට පත් ශිෂ්‍යයෙකු ගේ පියකු විසින් ගොනුකරන ලද පෙත්සම කරුණු තහවුරු කිරීම සඳහා සැප්තැම්බර් මස 11 වනදා කැඳවන ලෙස ශ්‍රේෂ්ඨාධිකරණය නියම කළේ ය.

හිටපු ජනාධිපති මහින්ද රාජපක්ෂ ගේ පුත් යෝෂිත රාජපක්ෂ සහ ඔහු ගේ මිත්තණිය වන ඩේසි ෆොරස්ට් යන අයට එරෙහිව  මුදල් විශුද්ධිකරණය වැළැක්වීමේ පනත යටතේ නීතිපතිවරයා විසින් ගොනු කරනු ලැබ ඇති නඩුව පූර්ව නඩු විභාග සම්මන්ත්‍රණය සඳහා අගෝස්තු මස 31 වන දා කැඳවන ලෙස කොළඹ මහාධිකරණය නියම කළේ ය.

බස් හිමියෙකු ට තර්ජනය කර කප්පම් ඉල්ලු බවට සැක පිට අත්අඩංගුවට ගෙන රක්ෂිත බන්ධනාගාර ගත කර ඇති පාතාල ක්‍රියාකරුවෙකු ගේ ගෝලයෙක් යැයි පවසන පතිරගේ රංජිත් යන අය ලබන 29 තෙක් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන නියෝග කළේ ය.

ලෝක සෞඛ්‍ය සංවිධානයේ නිර්දේශ අනුව සිගරට් බදු පනවා නොමැති වීම නිසා ලංකාව මේ වන විට රුපියල් බිලියන 25ක බදු ආදායමක් අහිමි කරගෙන ඇත.

දැන් හැම බන්ධනාගාරයකම ධාරිතාව ඉක්මවලා ගිහින් ඇතැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

බලශක්ති අමාත්‍යාංශයට අදාළව 2026 වසරේ වෙන් කෙරුණු අයවැය ප්‍රතිපාදන මත ක්‍රියාත්මක ව්‍යාපෘතිවල ප්‍රගතිය සමාලෝචනය සහ 2027 අයවැය පූර්ව සාකච්ඡාවක් ජනාධිපති අනුර කුමාර දිසානායක ගේ ප්‍රධානත්වයෙන් ඊයේ (15) පෙරවරුවේ ජනාධිපති කාර්යාලයේ දී පැවැත්විණි.

මෙරට සිනමා ක්ෂේත්‍රයට සුවිශාල මෙහෙයක් ඉටුකළ කේ.වෙන්කට් 1983 කළු ජූලියේ දී පණ පිටින් පුළුස්සා ඝාතනය කර වසර 43ක් සම්පූර්ණ වේ.