සුනාමි, කොවිඩ්, ගංවතුර, නායයාම් වැනි දන්න ඉතිහාසයේ අපේ රට මුහුණදුන් ජාතික මට්ටමේ ස්වාභාවික ආපදා සහ ව්‍යසන ඕන තරම් තිබේ.
ඒ හැම ව්‍යසන අවස්ථාවකදීම ඉදිරියට පැමිණ, එය පටු දේශපාලන වාසියට පාවිච්චි කළ විපක්ෂයක්ද අපට මතකයට නැගේ.
කොරෝනා අර්බුදය සමගින් ආර්ථිකය කඩාවැටෙද්දී වැඩි වැටුප් ඉල්ලා ගුරුවරු පාරට බැස්සූ හැටි අපට මතකය.
කොරෝනා සමයේ වෛද්‍යවරුන් සහ හෙදියන් පාරට බැස්සු හැටි අපට මතකය.
PHI ලා, ග්‍රාම නිළධාරීන් සේවයෙන් ඉවත් කර වර්ජනයට යොමු කළ හැටි අපට මතකය.
වත්මන් ආණ්ඩුවත්, ඔවුන්ට හිතවත් මාධ්‍යයත් පහුගිය කාලය පුරා රටට කියන්න උත්සාහ කළේ, රටට ව්‍යසනයක් වූ සෑම මොහොතකම විපක්ෂය එක් නොවුණු බවක්ය.
එය ඔවුන්ගේ වචනවලින්ම කියතොත් - "ඒගොල්ලො ඒගොල්ලො වෙනුවෙන් එකතු වුනාට, රටේ මිනිස්සු වෙනුවෙන් එකතුවෙන්නේ නෑ. "
අපිට ඉතිහාසය අමතක නැත.
* සුනාමි ව්‍යසනයෙන් පසු කොළඹ ආධාරක සමුළුව පවත්වද්දී ජනතා විමුක්ති පෙරමුණ සුනාමි සහන මණ්ඩලයෙන් ඉවත්ව ගිය හැටි අපිට මතකය.
* රට ආර්ථික අර්බුදයකට යද්දි කැඳවූ සර්වපාක්ෂික සමුළුවට අනික් පක්ෂ නායකයින් සහභාගි වුවත් මාලිමාව එය වර්ජනය කළා අපට මතකය.
* රටේ බේත් නැතිවෙද්දි, තෙල් ටික, ගෑස් ටික නැතිවෙද්දි මිනිස්සු පාරවල් ගානේ පෝලිම් වල ලඟින විට රටට ඩොලර් එවන්නට එපා කියූ හැටි අපට මතකය.
ඔය හැම ව්‍යසනයක්, අපදාවක්, අර්බුදයක් තුළම අවස්ථාවාදී දේශපාලනය කරමින් පැයෙන් පැය මාධ්‍යහමු තියමින් බලයේ හිටපු ආණ්ඩු විවේචනය කරමින්, ඒ හැම ව්‍යසනයකින්ම දේශපාලන වාසි ගන්නට හදපු ඔවුන් අද ආණ්ඩු බලය ලබාගෙන රෙද්දේ රෙවී ඇති මොහොතක “මේ ව්‍යසනයක් ඇතුලේ දේශපාලනය කරන්න එපා” කියමින් බොරු කැම්පේන් නිර්මාණය කරන හැටි ලැජ්ජා සහගතය.
වීඩියෝ
මහ වැස්ස ගැන අතුල කරුණානායක BIG FOCUS හරහා කලින්ම කිව්ව අනාවැකිය | Ada Derana
අනික මේ කාලගුණ තත්ත්වය ගැන ජාත්‍යන්තර මාධ්‍ය කිව්වේ මීට මාසයකට විතර කලින්ය, මේ ගැන අපේ කාලගුණ අංශ අනතුරු ඇඟෙව්වේ සති දෙකකට කලින්ය.
ඒත් වගේ වගක් නැතුව බෙල්ල මුලටම හිරවෙන තුරු කිසිවක් නොකර සිටි ආණ්ඩුව, ආපදාවට ලක්වූ මිනිස්සුන්ට සහන සැලසීම වෙනුවට, මුදල් යොදවමින් සමාජ මාධ්‍ය තුළ මෙවැනි කැම්පේන් සිදු කරන්නේ ඇයි ද? යන්න අපිටනම් දැන් හොඳින්ම පැහැදිලිය.
තමන්ගේ අකාර්යක්ෂමතාවය, අසංවිධානාත්මකභාවය ඇතුළේ මේ ආපදාව නිසි ලෙස කලමණාකරනය කරගන්නට අපොහොසත්වුන ආණ්ඩුව, අන්තිම මොහොතේ පාර්ලිමේන්තුවේ මන්ත්‍රීවරු කොළඹට කැඳවලා ගංවතුරේ දේශපාලනය කරන්න එපා කියා ඉල්ලීමක් කළේය.
2024 වසරේ බලපෑ ගංවතුර මොහොතේ මිනිසුන් 10 දෙනෙක් මිය යද්දී, අනුර කිව්වේ වැස්ස ස්වාභාවිකයි ,ඒත් එය කළමණාකරනය කිරීම දේශපාලනිකයි, මේකෙන් පේන්නේ ආණ්ඩුවේ අසමත්භාවය, නොහැකියාව කියාය.
මේ ගංවතුරට කල්තියා සූදානම් වෙන්න නවීන තාක්ෂණය යෙදාගන්න ඕනා, විද්‍යාත්මකව හඳුනාගන්න ඕනා, ඒක කරන්නට අපිට දෙන්න, අපි කරලා පෙන්වන්නම් කියමින් මරණ 10 කර තියාගෙන අනුර රට වටේම ගිය හැටි අපට මතකය.
එහෙත් අද…., මිනිසුන් 150 පමණ මියගොස් ඇත, තවත් සිය ගණනක් අතුරුදහන්ව ඇත. එදා අනුරලා මෙන් අද සිටින විපක්ෂය ආණ්ඩුව විවේචනය කරමින් ප්‍රෙරෙස් තිය තියා, මයික් පල පලා ජනතාව තුළ වෛරය වපුරන දේශපාලනයක් කරන්නේ නැත.
ඔවුන් බනිමින් කර ඇරියේද නැත…,සහභාගී නොවී මඟ ඇරියේද නැත…, ජනාධිපතිවරයා කළ කැඳවීම පිළිගත් විපක්ෂයේ සියලු පක්ෂවල නායකයෝ එක හඬින් කියා සිටියේ එකම දෙයක්ය.
ඕනනම් හදිසි නීතිය පනවන්න සහය දෙන්නම්, සහන සලසන්න අමතර මුදල් ඕනනම් පරිපූර්වක ඇස්තමේන්තුවක් ගේන්න සහය දෙන්නම්, දිස්ත්‍රීක් ලේකම්වරු එක්ක සියළු විපක්ෂ මන්ත්‍රීවරු එකතු කරන්නම්, සහන සලසන්න ගමේ සාමාජිකයට දැනුම් දෙන්නම් වැනි ධනාත්මන කරුණු කී විපක්ෂයෙන් අවස්ථාවාදී දේශපාලනයක් නම් අපි දුටුවේ නැත.
එහෙත් මෙතරම් ව්‍යසනයක් සිදුව තිබියදීත් බිමල් වගේ ආණ්ඩුවේ උද්දච්ච නායකයින් ඊයේ මාධ්‍යයට කියා සිටියේ, “ අපිට ඕන තරම් සල්ලි තියෙනවා, පරිපූර්වක ඇස්තමේන්තු ඕන නෑ” කියාය.
අන්න එහිනම් දේශපාලනයක් ඇත, එවැන්නකට විපක්ෂය දායක කරගැනීම යනු විපක්ෂයට අර ලේබලය ගසන්නට නොහැකි වන්නේය.
අද විපක්ෂය, එදා ඔවුන් කළ මෙහෙයුම සිදු කළහොත් එය ආණ්ඩුවේ ප්‍රතිරූපයට විශාල හානියක් බව දන්නා ආණ්ඩුව ඊට ප්‍රථම "දේශපාලනය එපා" කියමින් මුදල් යොදවමින් ලොකු කැම්පේන් එකක් සැලසුම් කර ඇත්තේය.
මෑත කාලයේ රට ව්‍යසනයකට, අර්බුදයකට ගිය හැම මොහොතකම ඉන් වාසි ගත් කණ්ඩායම, අද මැරී ඉපදී මල්පැල ලෙසින් රඟපාන සමයක, අපට කීමට ඇත්තේ, මේ රටේ බහුතර මිනිසුන් මැරී ඉපදී නෑ කියන දෙය මතකයේ තබාගන්නැයි කියාය.
(සටහන | විජයා)
උපුටා ගැනීම - අන්තර්ජාලයෙන්
